ശ്രീനഗർ: ത്രിദിന സന്ദർശനത്തിനായി കശ്മീരിലെത്തിയ ആഭ്യന്തരമന്ത്രി അമിത് ഷാ കത്രയിലെ മാതാ വൈഷ്ണോദേവി ക്ഷേത്രത്തിലെത്തി ദർശനം നടത്തി. കശ്മീർ ലെഫ്. ഗവർണർ മനോജ് സിൻഹയും കേന്ദ്രമന്ത്രി ജിതേന്ദ്ര സിംഗും അമിത് ഷായോടൊപ്പമുണ്ടായിരുന്നു. ആഭ്യന്തര മന്ത്രിയായതിന് ശേഷം ആദ്യമായാണ് അമിത് ഷാ വൈഷ്ണോദേവി ക്ഷേത്രത്തിലെത്തുന്നത്.
#WATCH | Jammu and Kashmir: Union Home Minister Amit Shah offers prayers at the Mata Vaishno Devi Temple in Katra pic.twitter.com/NbP4WDN9pP
— ANI (@ANI) October 4, 2022
സുരക്ഷ കണക്കിലെടുത്ത് രജൗരിയിലെ ചില മേഖലകളിൽ ഇന്റർനെറ്റ് സേവനം റദ്ദാക്കിയിട്ടുണ്ട്. ക്ഷേത്രദർശനത്തിന് ശേഷം പൊതുജനങ്ങളെ അഭിസംബോധന ചെയ്യാൻ അമിത് ഷാ രജൗരിയിലെത്തും. വൈഷ്ണോ ദേവി ക്ഷേത്രത്തിൽ നിന്ന് ഒന്നരമണിക്കൂർ ദൂരമാണ് ഇവിടേക്കുള്ളത്.
Jammu and Kashmir | Union Home Minister Amit Shah arrives at Mata Vaishno Devi Temple in Katra
LG Manoj Sinha and Union Minister Jitendra Singh also present pic.twitter.com/Oy39IOG8Gw
— ANI (@ANI) October 4, 2022
ശേഷം ജമ്മുവിലെ രഘുനാഥ് ക്ഷേത്രത്തിലും അദ്ദേഹം ദർശനം നടത്തും. കശ്മീർ താഴ്വരയിലേക്ക് പോകുന്നതിന് മുന്നോടിയായി നിർമാണത്തിലുള്ള വിവിധ വികസന പദ്ധതികൾ വിലയിരുത്തുകയും ചെയ്യും.
ഒക്ടോബർ അഞ്ചിന് ജമ്മുകശ്മീരിലെ സൈനിക ഉദ്യോഗസ്ഥരുമായി അമിത് ഷാ കൂടിക്കാഴ്ച നടത്തും. രാവിലെ പത്ത് മണിയോടെ സുരക്ഷാ സാഹചര്യം വിലയിരുത്തുന്ന ഉന്നതതല യോഗം ആരംഭിക്കും. ശേഷം 11.30ഓടെ ബാരാമുള്ളയിൽ അമിത് ഷാ പൊതുജനങ്ങളെ അഭിസംബോധന ചെയ്യുമെന്നും അറിയിച്ചിട്ടുണ്ട്.
Comments