ഭോപ്പാൽ: അമ്മയ്‌ക്കെതിരെ പരാതിയുമായി മൂന്ന് വയസുകാരൻ പോലീസ് സ്‌റ്റേഷനിൽ. ചോക്ലേറ്റ് കഴിക്കാൻ അനുവദിക്കാത്ത അമ്മയെ ജയിലിലടയ്‌ക്കണമെന്ന് ആവശ്യപ്പെട്ട് പരാതിയുമായി എത്തിയ കുട്ടി പോലീസുകാർക്കിടയിൽ ചിരി പടർത്തി. മൂന്ന് വയസുകാരൻ തന്റെ പരാതി പോലീസുകാരെ അറിയിക്കുന്നതും അതീവ ഗൗരവത്തോടെ കേട്ട് അവ രേഖപ്പെടുത്തുന്നതിന്റെയും ദൃശ്യങ്ങൾ ഇതിനോടകം വൈറലാകുകയും ചെയ്തു.
തന്റെ പിതാവിനൊപ്പമാണ് കുട്ടി പോലീസ് സ്‌റ്റേഷനിൽ എത്തിയത്. ”അമ്മ എന്റെ ചോക്ലേറ്റ് മോഷ്ടിച്ചു, അമ്മയെ ജയിലിലടക്കണം”. ഇതായിരുന്നു കുട്ടി ആവശ്യപ്പെട്ടത്. ഇതുകേട്ട വനിതാ കോൺസ്റ്റബിൾ ഗൗരവത്തോടെയെന്ന മട്ടിൽ പരാതി രേഖപ്പെടുത്തുന്നതും ദൃശ്യങ്ങളിൽ കാണാം.
Three-year-old gets angry with mother, goes to the police station to file a complaint, says "mother steals my toffees, put her in jail."#MadhyaPradesh #Burhanpur #Viralvideo pic.twitter.com/SI4CvWgYj0
— Hate Detector 🔍 (@HateDetectors) October 17, 2022
മിഠായിക്ക് വേണ്ടി കരയുമ്പോൾ അമ്മ തന്നെ തല്ലുമെന്നും കുട്ടി പരാതി പറഞ്ഞു. എന്നാൽ കുഞ്ഞുനാവിൽ നിന്നുള്ള വലിയ പരാതി കേട്ട് പോലീസുകാർക്ക് ചിരിയടക്കാൻ കഴിഞ്ഞില്ല. മദ്ധ്യപ്രദേശിലെ ബുർഹാൻപൂർ ജില്ലയിലെ ദെത്തലായി ഗ്രാമത്തിലാണ് സംഭവം.
”രാവിലെ കുളിപ്പിച്ചതിന് ശേഷം അമ്മ കുഞ്ഞിന് കണ്ണെഴുതി കൊടുക്കുകയായിരുന്നു. പെട്ടെന്നാണ് മിഠായി വേണമെന്ന് പറഞ്ഞ് അവൻ വാശി പിടിച്ചത്. ഇതുകേട്ട് അമ്മ ചെറുതായൊന്ന് അടിച്ചു. ഇതോടെ കുഞ്ഞ് നിർത്താതെ കരയാൻ തുടങ്ങി. പോലീസ് സ്‌റ്റേഷനിലേക്ക് കൊണ്ടുപോകണമെന്ന് അവൻ ആവശ്യപ്പെട്ടു. അതിനാൽ ഇങ്ങോട്ട് കൊണ്ടുവരികയായിരുന്നു” പിതാവ് പോലീസുകാരോട് പറഞ്ഞു.
പരാതി വിശദമായി കേട്ട ശേഷം കുട്ടിയെ അടുത്തിരുത്തി വനിതാ കോൺസ്റ്റബിൾ സമാധാനിപ്പിച്ചു. അമ്മയ്‌ക്ക് ദുരുദ്ദേശ്യമില്ലെന്ന് കുട്ടിയെ ബോധിപ്പിച്ചു. അൽപം ആശ്വാസം തോന്നിയപ്പോൾ മൂന്ന് വയസുകാരൻ വീട്ടിലേക്ക് പോകാൻ തയ്യാറായി. പരാതി പറച്ചിൽ വൈറലായതോടെ മൂന്ന് വയസുകാരനെ സോഷ്യൽ മീഡിയ ഏറ്റെടുത്തിരിക്കുകയാണ്.
Comments