കണ്ണൂർ: പയ്യന്നൂരിൽ വൻ കുഴൽപ്പണ വേട്ട. കെഎസ്ആർടിസി യാത്രക്കാരനായ യുവാവിൽ നിന്നും 27.5 ലക്ഷം രൂപ എക്സൈസ് സംഘം പിടികൂടി. സംഭവത്തിൽ മഹാരാഷ്ട്ര സ്വദേശിയായ ശിവാജി ചോപ്പാടെയെ (24) പോലീസ് അറസ്റ്റ് ചെയ്തു. കാസർകോട്-പയ്യന്നൂർ റൂട്ടിലോടുന്ന കെഎസ്ആർടിസി ബസിൽ നിന്നാണ് ഇയാളെ പിടികൂടിയത്. യുവാവിന്റെ ബാഗിലും വസ്ത്രത്തിനുള്ളിലുമായി ഒളിപ്പിച്ച നിലയിലായിരുന്നു കുഴൽപ്പണം.
അതേസമയം തൃശൂരിൽ വാഹനാപകടം സംഭവിച്ച കാറിൽ നിന്നും എക്സൈസ് സംഘം കഞ്ചാവ് കണ്ടെത്തി. ബൈക്ക് യാത്രികനെ ഇടിച്ചിട്ട് അപകടമുണ്ടാക്കിയ കാർ യാത്രികനിൽ നിന്നാണ് ലഹരി പിടികൂടിയത്. തൃശൂർ മാളയിലായിരുന്നു സംഭവം. അപകടത്തിൽ ബൈക്ക് യാത്രികന് നേരിയ പരിക്കേു. അപകടത്തിൽപ്പെട്ടയുടനെ കാർ യാത്രികൻ വാഹനത്തിലുണ്ടായിരുന്ന കഞ്ചാവ് സമീപത്തെ പറമ്പിലേക്ക് എറിഞ്ഞിരുന്നു. ഇത് എക്സൈസ് ഉദ്യോഗസ്ഥർ കണ്ടെടുത്തു. സംഭവത്തിൽ മാള സ്വദേശിയായ രഞ്ജിത്തിനെ പോലീസ് അറസ്റ്റ് ചെയ്തു.
