മുംബൈ: റായ്ഗഡ് ജില്ലയിലെ പൻവേലിൽ നാല് പിഎഫ്ഐ പ്രവർത്തകർ അറസ്റ്റിൽ. മഹാരാഷ്ട്ര തീവ്രവാദ വിരുദ്ധ സ്ക്വാഡാണ് ഭീകരരെ പിടികൂടിയത്. നിരോധിത സംഘടനയുടെ സംസ്ഥാന വിപുലീകരണ സമിതിയിലെ പ്രാദേശിക അംഗവും ലോക്കൽ യൂണിറ്റ് സെക്രട്ടറിയും ഉൾപ്പെടെ നാല് പേരെയാണ് എടിഎസ് കസ്റ്റഡിയിലെടുത്തത്.
തീവ്രവാദ വിരുദ്ധ സ്ക്വാഡിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പൻവേലിൽ നിന്ന് പ്രതികളെ അറസ്റ്റ് ചെയ്തത്. പിഎഫ്ഐ പ്രവർത്തകരും തൊഴിലാളികളും യോഗം ചേരുന്നത് സംബന്ധിച്ച് വ്യക്തമായ വിവരം അന്വേഷണ സംഘത്തിന് ലഭിച്ചിരുന്നു. തുടർന്ന് നടത്തിയ തിരച്ചിലാണ് ഇവരെ കസ്റ്റഡിയിലെടുത്തത്.
നിയമവിരുദ്ധ പ്രവർത്തനം തടയൽ നിയമ പ്രകാരമാണ് പ്രതികളെ അറസ്റ്റ് ചെയ്തതെന്ന് എടിഎസ് വ്യക്തമാക്കി. കേസിൽ അന്വേഷണം പുരോഗമിക്കുകയാണെന്ന് ഉദ്യോഗസ്ഥർ അറിയിച്ചു.
Comments