ന്യൂയോർക്ക്: ഭൂമിയിൽ നിന്നും ചന്ദ്രൻ അകന്നു പാകുന്നതായി ബഹിരാകാശ ഗവേഷകർ. ഓരോ വർഷവും ഭൂമിയും ചന്ദ്രനും തമ്മിലുള്ള അകലം വർദ്ധിച്ച് വരികയാണെന്നാണ് ഗവേഷകരുടെ കണ്ടെത്തൽ. നാസയുടെ അപ്പോളോ ദൗത്യങ്ങളിലാണ് ഇതുമായി ബന്ധപ്പെട്ട നിർണ്ണായക വിവരങ്ങൾ ഗവേഷകർക്ക് ലഭിച്ചത്.
അപ്പോളോ 11, 14, 15 ദൗത്യങ്ങളിലായി ചന്ദ്രന്റെ സ്ഥാനം അളക്കുന്നതിനായി ചില ഉപകരണങ്ങൾ സ്ഥാപിച്ചിരുന്നു. ഇതിൽ നിന്നും ലഭിച്ച വിവരങ്ങളുടെ അടിസ്ഥാനത്തിലാണ് ചന്ദ്രൻ ഓരോ വർഷവും അകലുന്നതായി ഗവേഷകർക്ക് വ്യക്തമായത്. ഓരോ വർഷവും ചന്ദ്രൻ ഭൂമിയിൽ നിന്നും 3.8 സെന്റീമീറ്റർ അകലത്തിലേക്ക് നീങ്ങുന്നുണ്ടെന്നാണ് റിപ്പോർട്ടുകൾ. എന്നാൽ ഇത് പെട്ടെന്ന് ഉണ്ടായ പ്രതിഭാസം അല്ലെന്നും ബില്യൺ വർഷങ്ങളായി ഈ പ്രക്രിയ തുടരുകയാണെന്നും ഗവേഷകർ വ്യക്തമാക്കുന്നുണ്ട്. ഇതിനുള്ള കാരണവും അവർ തന്നെ വിശദീകരിക്കുന്നു.
ഗുരുത്വാകർഷണത്തിന്റെ ഫലമായി കടലുകളെയും സമുദ്രത്തെയും ചന്ദ്രൻ ആകർഷിക്കും. ഇതിന്റെ ഫലമായാണ് വേലിയേറ്റങ്ങൾ ഉണ്ടാകുന്നത്. ചന്ദ്രനെപ്പോലെ സൂര്യനും ആകർഷിക്കാറുണ്ട്. ചന്ദ്രന്റെ ആകർഷണത്തിനൊപ്പം ഭൂമിയുടെയും ചന്ദ്രന്റെയും അച്ചുതണ്ടുകൾ തമ്മിൽ ഘർഷണവും ഉണ്ടാകാറുണ്ട്. ഇത് താപരൂപത്തിലുള്ള ഊർജ്ജം പുറന്തള്ളും. ഇതിന്റെ ഫലമായി ഭൂമിയുടെയും ചന്ദ്രന്റെയും ഭ്രഹ്മണപഥത്തിന്റെ സന്തുലിതാവസ്ഥ നഷ്ടമാകും. ഇതേ തുടർന്നാണ് ചന്ദ്രൻ അകന്ന് പോകുന്നത്.
Comments