ഖത്തർ : ലോകകപ്പ് ഫുട്ബോൾ മത്സരങ്ങൾക്ക് മുന്നോടിയായ പരിശീലന മത്സരങ്ങൾ പുരോഗമിക്കുമ്പോൾ പോർച്ചുഗൽ താരത്തിന്റെ ശാരീരിക അസ്വസ്ഥത പ്രശ്നമാകുന്നു . സൂപ്പർ താരം ക്രിസ്റ്റ്യാനോ റൊണാൾഡോയ്ക്കാണ് ചൂട് പ്രശ്നമായത്.
ഇന്നലെ താരം പരിശീലനത്തിന് ഇറങ്ങാതിരുന്നതും ആരാധകരെ നിരാശരാക്കി. താരത്തിന് വയറു വേദന പിടിപെട്ടതിനാൽ വിശ്രമത്തിലാണെന്നാണ് ടീം മാനേജ്മെന്റ് നൽകിയ മറുപടി. ഇന്നലെ മുതലാണ് പോർച്ചുഗൽ ടീം പരിശീലനത്തിന് ഇറങ്ങിയത്. അതിലൊരു സെഷനിലും റൊണാൾഡോ ഇറങ്ങിയിരുന്നില്ല.
റൊണാൾഡോയ്ക്ക് ഗ്യാസ്ട്രൈറ്റിസാണെന്നും പരിശീലനത്തിൽ നിന്നും തൽക്കാലം വിട്ടുനിൽക്കാനാണ് ഫിസിയോ നിർദ്ദേശിച്ചതെന്നുമാണ് ടീം പ്രസ്താവനയിലൂടെ അറിയിച്ചത്. ഖത്തറിലെ ചൂട് താരത്തെ നന്നായി ബാധിച്ചു വെന്നാണ് സൂചന. നിർജ്ജലീകരണമാണ് വയറിനെ ബാധിച്ചത്. പല താരങ്ങളും ധാരാളം വെള്ളം കുടിച്ചാണ് പുതിയ അന്തരീക്ഷവുമായി പൊരുത്തപ്പെട്ടു കൊണ്ടിരിക്കുന്നത്. പരിശീലനങ്ങൾ അതിനാൽ തന്നെ അതിരാവിലേയും രാത്രിയിലുമായി ക്രമീകരിക്കേണ്ടിവന്നിരിക്കുകയാണെന്നും കോച്ച് ഫെർണാണ്ടസ് സാന്റോസ് പറഞ്ഞു.
