ഋഷബ് ഷെട്ടി രചനയും സംവിധാനവും നിർവഹിച്ച് നായകനായി എത്തിയ കാന്താര സിനിമ ആരാധകർക്കിടിയിൽ സൃഷ്ടിച്ച ഓളം അത്ര ചെറുതൊന്നും അല്ല . കെജിഎഫ് നിർമാതാക്കളായ ഹൊംബാലെ ഫിലിംസ് നിർമിച്ച് സെപ്റ്റംബർ 30 ന് റിലീസ് ചെയ്ത ചിത്രം കേരളത്തിലും സൂപ്പർഹിറ്റായി മാറിയിരുന്നു. ഇപ്പോഴിതാ ചിത്രത്തിന്റെ ഒടിടി റലീസുമായി ബന്ധപ്പെട്ട വാർത്തകളാണ് പുറത്ത് വരുന്നത്.
ചിത്രം നവംബർ 24 ന് ഒടിടിയിൽ എത്തുമെന്നാണ് പുറത്ത് വരുന്ന വിവരം. ആമസോൺ പ്രൈമിലൂടെയാവും ആരാധകർക്ക് മുന്നിൽ ചിത്രം എത്തുന്നത്. കന്നഡയിൽ നിന്ന് എത്തിയ കാന്താര രാജ്യമൊട്ടാകെ ശ്രദ്ധയാകർഷിച്ചിരുന്നു. കന്നഡയ്‌ക്ക് പുറമെ മലയാളം, ഹിന്ദി, തെലുങ്ക്, തമിഴ്, ഭാഷകളിലും മൊഴി മാറ്റി പ്രദർശനത്തിന് എത്തിയിട്ടുണ്ട്.
സമൂഹമാദ്ധ്യമങ്ങളിലും ചിത്രം വലിയ ചർച്ചകൾക്ക് വഴിവച്ചിരുന്നു. കർണാടകത്തിലെ ഒരു ഗ്രാമവും അവിടത്തെ വിശ്വാസവുമാണ് ചിത്രം ചർച്ച ചെയ്യുന്നത്. ഋഷബിന് പുറമെ സപ്തമി ഗൗഡ, കിഷോർ, അച്യുത് കുമാർ, പ്രമോദ് ഷെട്ടി, ഷനിൽ ഗുരു, പ്രകാശ് തുമിനാട്, മാനസി സുധീർ, നവീൻ ഡി പടീൽ, സ്വരാജ് ഷെട്ടി, ദീപക് റായ് പനാജി, പ്രദീപ് ഷെട്ടി, രക്ഷിത് രാമചന്ദ്രൻ ഷെട്ടി, പുഷ്പരാജ് ബൊല്ലാറ തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
