ലോകകപ്പ് ഫുട്ബോളിൽ സൗദി അറേബ്യയോട് അർജ്ജന്റീന ഏറ്റുവാങ്ങിയ പരാജയത്തിൽ ഖേദം രേഖപ്പെടുത്തി എം.എം മണി എംഎൽഎ. അർജ്ജന്റീന തോറ്റതിൽ അതിയായ ഖേദമുണ്ടെന്നും മെസി തിരിച്ചുവരുമെന്നും എംഎം മണി പറഞ്ഞു. താനിപ്പോഴും അർജ്ജന്റീന ആരാധകനാണ്. ഖത്തറിലെ ചൂടുള്ള കാലാവസ്ഥയാണ് പരാജയത്തിന് കാരണമായതെന്നും മണി ചൂണ്ടിക്കാട്ടി.
”അർജ്ജന്റീന തോറ്റ്, അതിൽ അതിയായ ഖേദമുണ്ട്. എന്നാലും ജയിച്ചവരെ അഭിനന്ദിക്കുകയാണ്.. ഇനിയുള്ള മത്സരത്തിൽ അർജ്ജന്റീന മുന്നിൽ വരുമെന്ന ആത്മവിശ്വാസമുണ്ട്. ഞാനേതായാലും അർജ്ജന്റീനയെ അനുകൂലിക്കുന്നയാളാണ്. അതിൽ മാറ്റം വരുത്താൻ ഉദ്ദേശിക്കുന്നില്ല. അവിടുത്തെ കാലാവസ്ഥ ചൂടാ.. അതുതന്നെയാ കാര്യം.. ”എംഎം മണി പ്രതികരിച്ചു.
ചൊവ്വാഴ്ച നടന്ന ലോകകപ്പ് മത്സരത്തിലായിരുന്നു അർജ്ജന്റീന സൗദിയോട് തോറ്റത്. ഒന്നിനെതിരെ രണ്ട് ഗോളുകൾക്കായിരുന്നു സൗദിയുടെ വിജയം. പെനാൽറ്റിയിലൂടെ ആദ്യം ഗോൾ നേടിയത് മെസിയായിരുന്നെങ്കിലും നേട്ടം വിഫലമാകുകയായിരുന്നു. തെറ്റുകൾ തിരുത്തി ശക്തമായി തിരിച്ചുവരുമെന്ന് അർജ്ജന്റീനിയൻ താരം ലയണൽ മെസി പരാജയത്തിന് പിന്നാലെ പ്രതികരിച്ചു.
Comments