ഖത്തറിലെ ലുസൈൽ സ്റ്റേഡിയത്തിൽ നടന്ന മത്സരത്തിൽ രണ്ട് തവണ ചാമ്പ്യന്മാരായ അർജന്റീനയെ 2-1-ന് സൗദി അറേബ്യ അട്ടിമറിച്ചതാണ് ഫുട്ബോൾ ആരാധകർ കണ്ടത്. സൗദി അറേബ്യയുടെ വിജയം കളിക്കാർ പോലും പ്രതീക്ഷിച്ചിരുന്നില്ല. വീണു കിട്ടിയതാകട്ടെ ചരിത്രവിജയവും. ഇത് ആഘോഷമാക്കുകയാണ് സൗദി ആരാധകർ. വിജയം ആഘോഷിക്കുന്നതിനായി സൗദി ഭരണകൂടം ഒരു ദിവസത്തെ പൊതു അവധിയും പ്രഖ്യാപിച്ചിരുന്നു. ഇപ്പോൾ സമൂഹമാദ്ധ്യമങ്ങളിൽ വൈറലാവുന്നതും സൗദി ആരാധകരുടെ ആഘോഷമാണ്.
ക്രിസ്റ്റ്യാനോ റൊണാൾഡോയുടെ ഐതിഹാസികമായ ‘സിയു’ ആഘോഷം അനുകരിച്ചു കൊണ്ട് ലയണൽ മെസ്സിയെയും അർജന്റീനയെയും സൗദി ആരാധകർ കളിയാക്കുന്ന വീഡിയോയാണ് തരംഗമാകുന്നത്. വീണു കിട്ടിയ അപ്രതീക്ഷിത വിജയം ആഘോഷമാക്കുകയാണ് സൗദി ജനത. ഗോളുകൾ ആഘോഷിക്കാൻ റൊണാൾഡോയ്‌ക്ക് സവിശേഷമായ ഒരു രീതിയുണ്ട്. ഉയരത്തിൽ ചാടി ഒരു മിഡ്-എയർ പൈറൗട്ട് ചെയ്ത് സിയു ആംഗ്യം കാണിക്കുകയാണ് റോണാൾഡോ ചെയ്യുന്നത്. ഇത് അനുകരിച്ചു കൊണ്ടാണ് അർജന്റീനയുടെ പരാജയത്തെ സൗദി ആരാധകർ പരിഹസിച്ചത്.
Saudi Arabia fans do Cristiano Ronaldo's SIU after beating Lionel Messi's Argentina. Wicked!!pic.twitter.com/umBzhCkAze
— UF (@UtdFaithfuls) November 22, 2022
23 സെക്കൻഡ് ദൈർഘ്യമുള്ള വീഡിയോയ്‌ക്ക് ട്വിറ്ററിൽ 2.3 ദശലക്ഷത്തിലധികം കാഴ്ചക്കാരെ ലഭിച്ചു. 36 മത്സരങ്ങളിലെ അപരാജിത റെക്കോര്‍ഡുമായി എത്തിയ അർജന്റീനയുടെ പരാജയം അവരുടെ ആരാധകർക്കിടയിൽ വലിയ ദുഃഖമാണ് സമ്മാനിച്ചത്. സൗദിയുടെ മിന്നും പ്രകടനത്തിൽ മിന്നലടിച്ചതു പോലെ നിൽക്കേണ്ടി വന്നു ലാറ്റിനമേരിക്കന്‍ ചാമ്പ്യന്മാരായ അര്‍ജന്‍റീനയ്‌ക്ക്. ആദ്യ പകുതിയില്‍ 1-0-ന് പിന്നിലായിട്ടും ശക്തമായി തിരിച്ചു വരവാണ് സൗദി നടത്തിയത്. രണ്ടാം പകുതിയില്‍ അഞ്ച് മിനിറ്റുകളുടെ ഇടവേളയില്‍ രണ്ട് ഗോളുകളാണ് സൗദി ടീം അടിച്ചെടുത്തത്.
