മലയാളി താരം സഞ്ജു സാംസണെ ന്യൂസിലൻഡിനെതിരായ മൂന്നാം ഏകദിനത്തിലും തഴഞ്ഞു. കഴിഞ്ഞ മത്സരത്തിൽ കളിച്ച അതേ ടീമിനെ ഇന്ത്യ നിലനിർത്തി. രണ്ടാം ഏകദിനത്തിൽ സഞ്ജുവിനെ ഉൾപ്പെടുത്താത്തിൽ വ്യാപകമായ പ്രതിഷേധം നടക്കുന്നതിനിടെയാണ് വീണ്ടും താരത്തെ ഒഴിവാക്കി ഇന്ത്യ ടീം പ്രഖ്യാപിച്ചത്.
ന്യൂസീലൻഡ് നിരയിൽ ഡഗ് ബ്രേസ്വെലിനു പകരം ആദം മിൽനെ ടീമിലെത്തി. മഴ മൂലം വൈകിയാണ് ടോസ് നടന്നത്.പരമ്പരയിലെ ആദ്യ മത്സരത്തിൽ ന്യൂസീലൻഡ് വിജയിച്ചിരുന്നു. രണ്ടാം മത്സരം മഴ മൂലം ഉപേക്ഷിച്ചു. പരമ്പര നഷ്ടപ്പെടാതിരിക്കാൻ ഇന്ന് ഇന്ത്യക്ക് ജയിച്ചേ തീരൂ.
രണ്ടാം ഏകദിനത്തിൽ താരത്തിനേക്കാൾ മോശമായി ബാറ്റ് ചെയ്ത താരങ്ങളെ പോലും ടീം മാനേജ്‌മെന്റ് നിലനിർത്തിയിരുന്നു. ഇത് ക്രിക്കറ്റ് ആരാധകരുടെ വിമർശനങ്ങൾക്ക് വഴിവച്ചിരുന്നു. ഖത്തർ ലോകകപ്പിൽ പോലും സഞ്ജുവിന് പിന്തുണ നൽകി ആരാധകർ ബാനറുകൾ ഉയർത്തിയിരുന്നു. ഇതിന് പിന്നാലെയാണ് മൂന്നാം ഏകദിനത്തിലും സഞ്ജുവിനെ മനേജ്‌മെന്റ് തഴഞ്ഞിരിക്കുന്നത്.
Comments