ഫുട്‌ബോൾ താരം നെയ്മറിന് പരിക്കേറ്റ സംഭവത്തോടെ ബ്രസീൽ ആരാധകർ ഏറെ നിരാശയിലായിരുന്നു. സെർബിയയ്‌ക്കെതിരായ മത്സരത്തിനിടെയായിരുന്നു നെയ്മറിന്റെ കണങ്കാലിന് സാരമായി പരിക്കേറ്റത്. തുടർന്ന് അടുത്ത രണ്ട് മത്സരങ്ങളിൽ നിന്ന് താരം വിട്ടുനിൽക്കുകയും ചെയ്തു.
ഖത്തറിൽ നടക്കുന്ന ഫിഫ ലോകകപ്പിൽ ഇനിയും മത്സരിക്കാൻ നെയ്മർ ഉറപ്പായും തിരിച്ചെത്തുമെന്നായിരുന്നു ബ്രസീൽ കോച്ച് ടിറ്റെയുടെ പ്രതികരണം. ഇപ്പോഴിതാ ദക്ഷിണ കൊറിയയുമായുള്ള മത്സരത്തിനായി പരിശീലിക്കുന്ന നെയ്മറിന്റെ വീഡിയോ ദൃശ്യങ്ങളാണ് പുറത്തുവന്നിരിക്കുന്നത്.
ശനിയാഴ്ച നടന്ന പരിശീലനത്തിന്റെ ദൃശ്യങ്ങളാണ് ബ്രസീൽ ഫുട്‌ബോൾ ടീമിന്റെ ഔദ്യോഗിക സോഷ്യൽ മീഡിയ അക്കൗണ്ടിൽ പോസ്റ്റ് ചെയ്തിരിക്കുന്നത്. വലതു കണങ്കാലിന് പരിക്കേറ്റ നെയ്മറും പരിശീലനത്തിൽ പങ്കാളിയായത് ദൃശ്യങ്ങളിൽ കാണാം.
Foco total nas oitavas de final! Começamos a nossa preparação para o jogo contra a Coreia do Sul
Segunda-feira contamos com a nossa torcida para dar mais um passo pela sexta ⭐️
📸 Leandro Lopes e Lesley Ribeiro/CBF TV pic.twitter.com/cECWecJss6
— brasil (@CBF_Futebol) December 3, 2022
”ഗ്രൂപ്പ് ജി-യിൽ ബ്രസീൽ ലീഡ് ഉറപ്പിച്ചുകഴിഞ്ഞു. ദക്ഷിണ കൊറിയയ്‌ക്കെതിരായ മത്സരത്തിനായി പൂർണമായും തയ്യാറെടുത്ത് മുന്നോട്ടുപോകുകയാണ്. അടുത്ത ഏറ്റുമുട്ടലിന് ഇനി രണ്ട് ദിനങ്ങൾ മാത്രം.. ” എന്നായിരുന്നു പോസ്റ്റ് പങ്കുവയ്‌ക്കുന്നതിനോടൊപ്പം ബ്രസീൽ അടിക്കുറിപ്പ് നൽകിയത്. പരിശീലനത്തിന്റെ ദൃശ്യങ്ങൾ നെയ്മറും ട്വിറ്ററിൽ പങ്കുവച്ചിട്ടുണ്ട്. ഡിസംബർ ആറിന് അർദ്ധരാത്രി 12.30നാണ് ദക്ഷിണ കൊറിയയുമായുള്ള ബ്രസീലിന്റെ മത്സരം.
I feel good, I knew that I would now
✋🏽😜🤚🏽 pic.twitter.com/LpJ3BZJaU9— Neymar Jr (@neymarjr) December 3, 2022
