തിരുവനന്തപുരം: സംസ്ഥാനത്ത് വീണ്ടും സ്വർണവില ഉയർന്നു. ഇന്നലെ മാറ്റമില്ലാതെ തുടർന്ന സ്വർണവിലയാണ് ഇന്ന് വർദ്ധിച്ചത്. ഇതോടെ ഒരു പവൻ സ്വർണത്തിന്റെ വിപണി വില 40,000 കടന്നു.
ഒരു പവൻ സ്വർണത്തിന് 160 രൂപയാണ് വർദ്ധിച്ചത്. ഇതോടെ ഇന്നത്തെ വിപണി വില 40,120 രൂപയായി. 22 കാരറ്റ് സ്വർണത്തിന് 20 രൂപയാണ് ഗ്രാമിന് ഉയർന്നത്. ഇതോടെ ഒരു ഗ്രാമിന് 5,015 രൂപയായി. 18 കാരറ്റ് സ്വർണത്തിന്റെ വിലയും ഉയർന്നിട്ടുണ്ട്. ഗ്രാമിന് 15 രൂപയാണ് ഉയർന്നത്. ഇതോടെ 18 കാരറ്റ് സ്വർണത്തിന്റെ നിരക്ക് ഗ്രാമിന് 4145 രൂപയായി.
അതേസമയം വെള്ളിയുടെ നിരക്കിൽ മാറ്റമില്ല. ഒരു ഗ്രാം വെള്ളിയുടെ വിപണി നിരക്ക് 74 രൂപയാണ്. ഹാൾമാർക്ക് വെള്ളിക്ക് 90 രൂപയാണ് വില.
Comments