താനെ: പാകിസ്താൻ സിന്ദാബാദ് മുദ്രാവാക്യം മുഴക്കി 14-കാരൻ. മഹാരാഷ്ട്രയിലെ താനെ ജില്ലയിലുള്ള ഭിവാന്ദിയിലാണ് സംഭവം. ഭിവാന്ദി മുനിസിപ്പൽ കോർപ്പറേഷന് പുറത്ത് സ്കൂൾ യൂണിഫോമണിഞ്ഞ 14-കാരൻ പാകിസ്താന് ജയ് വിളിക്കുകയായിരുന്നു.
വിവരമറിഞ്ഞ ഉടൻ തന്നെ പോലീസ് സ്ഥലത്തെത്തി. സംഭവവുമായി ബന്ധപ്പെട്ട് 19 പേരെ കസ്റ്റഡിയിലെടുത്തു, അഞ്ച് സ്ത്രീകൾ ഉൾപ്പെടെയുള്ളവരാണ് അറസ്റ്റിലായത്.
സിവിക് ബോഡി ഓഫീസിന് മുന്നിൽ വിദ്യാർത്ഥികളുടെ മാതാപിതാക്കൾ പ്രതിഷേധം നടത്തിയിരുന്നു. മേഖലയിലെ സ്വകാര്യ സ്കൂളിലെ നടപടിക്കെതിരെയായിരുന്നു പ്രതിഷേധം. സ്കൂൾ ഫീസ് അടയ്ക്കാത്തതിനെ തുടർന്ന് ഇവർക്ക് സ്കൂളിലേക്ക് പ്രവേശനം നിഷേധിച്ചിരുന്നു. ഈ സാഹചര്യത്തിൽ സ്കൂൾ അധികൃതർക്കെതിരെ ആയിരുന്നു മാതാപിതാക്കളുടെ പ്രതിഷേധം.
ഇതിനിടയ്ക്കാണ് മാതാപിതാക്കൾക്കൊപ്പം എത്തിയ സ്കൂൾ വിദ്യാർത്ഥി പാകിസ്താന് ജയ് വിളിച്ചത്. തുടർന്ന് മേഖലയിലെ സമാധാന അന്തരീക്ഷത്തിന് കോട്ടം തട്ടിക്കാൻ ശ്രമിച്ചതിന് മാതാപിതാക്കൾ ഉൾപ്പെടെയുള്ളവരെ പോലീസ് കസ്റ്റഡിയിലെടുത്തു. സംഭവത്തിൽ അന്വേഷണം തുടരുകയാണെന്ന് പോലീസ് പറഞ്ഞു.
Comments