ന്യൂഡൽഹി: വധഭീഷണി നേരിടുന്ന പശ്ചാത്തലത്തിൽ ബിജെപി മുൻ വക്താവ് നൂപുർ ശർമ്മയ്ക്ക് തോക്ക് ലൈസൻസ് അനുവദിച്ച് നൽകി. ഡൽഹി പോലീസാണ് ലൈസൻസ് നൽകിയത്. നബിവിരുദ്ധ പരാമർശം നടത്തിയെന്നാരോപിച്ച് നൂപുർ ശർമ്മക്കെതിരെ പലതവണ വധഭീഷണി ഉയർന്നിരുന്നു. ഇതേതുടർന്ന് നൽകിയ അപേക്ഷയിന്മേലാണ് ഡൽഹി പോലീസിന്റെ നടപടി.
വാർത്താ സംവാദത്തിനിടെ നടത്തിയ അഭിപ്രായത്തിന്റെ പേരിൽ തന്നെയും കുടുംബത്തെയും ഒരു വിഭാഗം വേട്ടയാടാൻ ശ്രമിക്കുകയാണെന്നായിരുന്നു നൂപുർ ശർമ്മയുടെ പ്രതികരണം. സുരക്ഷാ ഭീഷണി നിരന്തരമായ നേരിടുന്ന സാഹചര്യത്തിലൂടെയാണ് നൂപുർ ശർമ്മ കടന്നുപോകുന്നതെന്ന് അഭിഭാഷകനും സുപ്രീം കോടതിയിൽ അറിയിച്ചു. ഇതിന് പിന്നാലെയാണ് ഡൽഹി പോലീസ് ഇപ്പോൾ തോക്ക് ലൈസൻസ് അനുവദിച്ചിരിക്കുന്നത്.
