ഇൻഡോർ: കോളേജിൽ വിദ്വേഷപ്രചരണം നടത്തിയ ആറ് അദ്ധ്യാപകർക്ക് സസ്പെൻഷൻ. ഇൻഡോർ ലോ കോളേജിലാണ് സംഭവം. അദ്ധ്യാപകർ കോളേജിൽ മതമൗലിക വാദം പ്രചരിപ്പിച്ചതായി വിദ്യാർത്ഥികൾ പരാതിപ്പെട്ടതിനെ തുടർന്നാണ് നടപടി.
അദ്ധ്യാപകർ സൈന്യത്തേയും ഭരണകൂടത്തേയും അധിക്ഷേപിക്കുന്ന തരത്തിൽ വിദ്യാർത്ഥികളോട് സംസാരിച്ചതായും പരാതിയിൽ പറയുന്നു. കോളേജിലെ ഒന്നാം വർഷ വിദ്യാർത്ഥികൾക്കിടയിലാണ് അദ്ധ്യാപകർ ഇത്തരത്തിലുള്ള ആശയ പ്രചരണത്തിന് ശ്രമിച്ചത്. ലൗ ജിഹാദിനെക്കുറിച്ചും മാംസാഹാരം കഴിക്കാത്ത വിദ്യാർത്ഥികൾ മാംസാഹാരം കഴിക്കണം എന്ന തരത്തിലും പ്രചരണം നടത്തിയതായും പരാതിയിൽ പറയുന്നു.
കോളേജിലെ എബിവിപി കാര്യകർത്താവ് ദിപേന്ദ്ര താക്കൂറാണ് പ്രിൻസിപ്പൽ ഡോ.ഇനാമൂർ റഹ്മാന് പരാതി കൈമാറിയത്. എബിവിപി നൽകിയ പരാതി ഗൗരവമുള്ളതാണെന്നും വിശദമായി അന്വേഷണം നടത്തുമെന്നും പ്രിൻസിപ്പൽ അറിയിച്ചു.
