ന്യൂഡൽഹി: നോർവേ വാണിജ്യ മന്ത്രി ജാൻ ക്രിസ്റ്റ്യൻ വെസ്ട്രെയുമായി കൂടിക്കാഴ്ച നടത്തി കേന്ദ്ര തുറമുഖ, ഷിപ്പിംഗ്, ജലപാത മന്ത്രി സർബാനന്ദ സോനോവാൾ. ഇരുവരും തമ്മിൽ ഹരിത തുറമുഖങ്ങളുടെ ഷിപ്പിംഗ്, നാവികരുടെ പരിശീലനം, ഭാവി ഷിപ്പിംഗിനായി ഗ്രീൻ അമോണിയ, ഹൈഡ്രജൻ തുടങ്ങിയ ഇന്ധനങ്ങളുടെ ഉപയോഗം, സുസ്ഥിര കപ്പൽ പുനരുപയോഗം എന്നിവ ഉൾപ്പെടെ ഉഭയകക്ഷി താൽപ്പര്യമുള്ള വിഷയങ്ങൾ ചർച്ച ചെയ്തു.
Pleased to meet a delegation led by Norway Trade & Industry Minister HE @jcvestre in New Delhi. 🇮🇳-🇳🇴 has wonderful bilateral ties and we carried forward fruitful discussions on cooperation in the maritime sector, with focus on #GreenShipping & Blue Economy. pic.twitter.com/3fq8wmQhqf
— Sarbananda Sonowal (@sarbanandsonwal) February 9, 2023
ഇരുരാജ്യങ്ങളും തമ്മിലുള്ള ഷിപ്പിംഗിലും തുറമുഖങ്ങളിലും വളരുന്ന സമുദ്ര സഹകരണത്തിന് നോർവേ മന്ത്രിയുടെ സന്ദർശനം ഊർജം പകരുമെന്ന് കൂടിക്കാഴ്ചയ്ക്ക് ശേഷം സർബാനന്ദ സോനോവാൾ പറഞ്ഞു.നമ്മുടെ പ്രധാനമന്ത്രിയുടെ ഹരിത തുറമുഖങ്ങളുടെയും ഗ്രീൻ ഷിപ്പിംഗിന്റെയും കാഴ്ചപ്പാട് നിറവേറ്റുന്നതിനായി നോർവേയുടെ വൈദഗ്ധ്യം ഞങ്ങൾക്ക് മുതൽക്കൂട്ടാകുമെന്നും അദ്ദേഹം കൂട്ടിച്ചേർത്തു.
അടുത്തിടെ ഇരു രാജ്യങ്ങളുംതങ്ങളുടെ സാമ്പത്തിക സാങ്കേതിക മേഖലയിലെ ഉഭയകക്ഷിബന്ധം കൂടുതലായി ഊട്ടിയുറപ്പിച്ചിരുന്നു. 2022 നവംബറിലാണ് അവസാനമായി ഇൻഡോ-നോർവീജിയൻ ഉഭയകക്ഷി ചർച്ച നടന്നത്.
Comments