ന്യൂഡൽഹി: ടെസ്റ്റ് ക്രിക്കറ്റ് ടീമുകളുടെ റാങ്കിംഗിൽ വന്ന പിഴവിൽ ക്ഷമാപണം നടത്തി അന്താരാഷ്ട്ര ക്രിക്കറ്റ് കൗൺസിൽ (ഐസിസി). ടെസ്റ്റ് റാങ്കിംഗിൽ ഇന്ത്യ ഒന്നാം സ്ഥാനത്തെത്തി മണിക്കൂറുകൾക്ക് ശേഷം, ഐസിസി മറ്റൊരു പട്ടിക കൂടി പുറത്തിറക്കുകയും അതിൽ ഓസ്ട്രേലിയ ഒന്നാം സ്ഥാനത്തെത്തുകയും ചെയ്തു.
നാഗ്പൂരിൽ നടന്ന മത്സരത്തിന്റെ പോയിന്റുകൾ കൂട്ടിയാണ് ടീം ഒന്നാമത് എത്തിയത്. സാങ്കേതിക തകരാർ മൂലമാണ് ഇത്തരത്തിൽ
ഒരു പിശക് ഉണ്ടായതെന്ന് ഐസിസി വ്യക്തമാക്കി.
അസൗകര്യം ഉണ്ടായതിൽ തങ്ങൾ ക്ഷമ ചോദിക്കുന്നു. വെസ്റ്റ് ഇൻഡീസ് സിംബാവെ മത്സര പരമ്പര അവസാനിച്ചതിന് ശേഷമുള്ള ഏറ്റവും പുതിയ അപ്ഡേറ്റിന് ശേഷവും ഓസ്ട്രേലിയ ഐസിസി ടെസ്റ്റ് ടീം റാങ്കിംഗിൽ ഒന്നാം സ്ഥാനത്ത് തുടരുന്നു. ‘ഇന്ത്യയുടെ 115 ന് മുകളിൽ 11 റേറ്റിംഗ് പോയിന്റുമായി 126 പോയിന്റുകൾ കൂട്ടിയാണ് ഒസ്ട്രേലിയ ഒന്നാമെത്തിയത്.
2021-23 ഐസിസി ലോക ടെസ്റ്റ് ചാമ്പ്യൻഷിപ്പിന്റെ ഫൈനലിൽ ഇടം നേടാൻ ഇന്ത്യ മത്സരിക്കുന്നുണ്ട്. ജൂൺ 7 മുതൽ 11 വരെ ലണ്ടനിലെ ഓവലിൽ മത്സരം നടക്കുന്നത്. മാർക്വീ ഇവന്റിന്റെ ഫൈനലിൽ ഓസ്ട്രേലിയയും മത്സരിക്കുന്നുണ്ട്.
