ഡെറാഡൂൺ: സുഗന്ധവിളകൾക്കായി സ്ഥാപിച്ച സെന്റർ ഫോർ അരോമാറ്റിക് പ്ലാന്റ്സ് (സിഎപി) മുഖ്യമന്ത്രി പുഷ്കർ സിംഗ് ധാമി ഉദ്ഘാടനം ചെയ്തു. സിഎപി യുടെ പ്രവർത്തന രീതിയും സാങ്കേതിക വിദ്യയിലൂടെ ലഭ്യമാക്കുന്ന സൗകര്യങ്ങളും കർഷകർക്ക് ഏറെ സഹായകരമാകും. സംസ്ഥാനത്തെ പ്രതികൂല കാലാവസ്ഥയിൽ സുഗന്ധവിളകളുടെ കൃഷി കർഷകർക്ക് നല്ലൊരു അവസരം നൽകുമെന്നും ധാമി പറഞ്ഞു.
आज सगन्ध पौधा केन्द्र, सेलाकुई में सगन्ध फसल उत्कृष्टता केन्द्र का लोकार्पण किया। पर्वतीय क्षेत्र के किसानों की आय में वृद्धि एवं रोजगार के अवसर सृजित करने हेतु मिशन दालचीनी एवं मिशन तिमरू प्रारम्भ किया जाएगा। pic.twitter.com/vIoswTdlpu
— Pushkar Singh Dhami (@pushkardhami) February 22, 2023
ഡെറാഡൂണിലെ സെലാഖിയിലാണ് ആരോമാറ്റിക് പ്ലാന്റ്സ് കേന്ദ്രം പ്രവർത്തിക്കുന്നത്. ഉത്തരാഖണ്ഡിലെ പരമ്പരാഗത കൃഷിക്ക് ബദലായി സുഗന്ധവിള കൃഷിക്ക് ഉയർന്നുവരാനും വർദ്ധിച്ചുവരുന്ന ആഗോള സുഗന്ധവ്യജ്ഞന വിപണിയിലേക്ക് ആളുകളെ അകർഷിക്കാനും കാർഷിക മേഖലയിലേക്ക് തിരികെ കൊണ്ടുവരാനും അരോമാറ്റിക് പ്ലാന്റ്സ് കേന്ദ്രത്തിന് കഴിയുമെന്ന് മുഖ്യമന്ത്രി പറഞ്ഞു.
ഹരിദ്വാറിലെ ലെമൺഗ്രാസ്, മിന്റ് വാലി, നൈനിറ്റാൾ, ചമ്പാവത്ത് എന്നിവിടങ്ങളിലെ കറുവാപ്പട്ട താഴ്വരകൾ, ചമോലിയിലെയും അൽമോറയിലെയും ഡമാസ്കസ് റോസ് താഴ്വരകൾ, ഉദ്ദം സിംഗ് നഗറിലെ പുതീന താഴ്വര, പിത്തോരഗഢ് ജില്ലയിലെ തിമൂർ താഴ്വര, എന്നിവയുൾപ്പെടെ ഏഴ് സുഗന്ധ താഴ്വരകൾ ഉത്തരാഖണ്ഡിൽ തുറക്കുമെന്ന് ധാമി അറിയിച്ചു. ഹൈടെക് നഴ്സറിയിൽ കറുവപ്പട്ട, തിമൂർ, സുറായി, ഡമാസ്കസ് റോസ് ചെടികൾ നട്ടുവളർത്തുന്നതിലൂടെ തരിശായിക്കിടക്കുന്ന നിലങ്ങൾ വയലുകളായും സുഗന്ധവിളകളുടേയും ചെടികളുടേയും തോട്ടങ്ങളായും വികസിപ്പിക്കാൻ എളുപ്പമാകുമെന്നും അദ്ദേഹം പറഞ്ഞു.
