ന്യുഡൽഹി: ഭാരതത്തിന്റെ പുരോഗതിയിൽ സ്ത്രീകളുടെ പങ്കിനെ പ്രശംസിക്കുകയും അവർക്ക് ആശംസകളറിയിക്കുകയും ചെയ്ത് പ്രധാനമന്ത്രി നരേന്ദ്രമോദി. രാജ്യത്ത് സ്ത്രീശാക്തീകരണത്തിനായി തന്റെ സർക്കാർ ഇനിയും കൂടുതൽ പ്രവർത്തിക്കുമെന്നും അദ്ദേഹം പറഞ്ഞു. ട്വിറ്ററിലൂടെയാണ് പ്രധാനമന്ത്രി ആശംസകളറിയിച്ചത്
An interesting compilation of women achievers whose life journeys were chronicled in #MannKiBaat. #NariShaktiForNewIndia pic.twitter.com/PEOurlMREk
— Narendra Modi (@narendramodi) March 8, 2023
അന്താരാഷ്ട്ര വനിതാ ദിനത്തിൽ, നമ്മുടെ നാരീ ശക്തിയുടെ നേട്ടങ്ങൾക്കുള്ള ആദരവ്. ഇന്ത്യയുടെ പുരോഗതിയിൽ സ്ത്രീകളുടെ പങ്കിനെ വളരെയധികം പ്രശംസിക്കുന്നു എന്ന് ആദ്യ ട്വീറ്റിൽ പ്രധാനമന്ത്രി പറഞ്ഞു. നമ്മുടെ സർക്കാർ ഇനിയും കൂടുതൽ സ്ത്രീശാക്തീകരണത്തിനായി പ്രവർത്തിക്കുമെന്ന് ‘നാരി ശക്തി ഫോർ ന്യൂ ഇന്ത്യ’ എന്ന ഹാഷ്ടാഗ് ചേർത്ത് അദ്ദേഹം രണ്ടാമത്തെ ട്വീറ്റിൽ കുറിച്ചു.’മൻ കി ബാത്തിൽ’ ജീവിതയാത്രകൾ രേഖപ്പെടുത്തിയ വനിതകളുടെ നേട്ടങ്ങളെക്കുറിച്ചുള്ള വീഡിയോയും പ്രധാനമന്ത്രി ട്വിറ്ററിൽ പങ്കുവെച്ചു.
On International Women’s Day, a tribute to the achievements of our Nari Shakti. We greatly cherish the role of women in India’s progress. Our Government will keep working to further women empowerment. #NariShaktiForNewIndia pic.twitter.com/giLNjfRgXF
— Narendra Modi (@narendramodi) March 8, 2023
ആഭ്യന്തര മന്ത്രി അമിത് ഷാ, പ്രതിരോധമന്ത്രി രാജ്നാഥ് സിംഗ്, വിദേശകാര്യ മന്ത്രി എസ് ജയശങ്കർ എന്നിവരും അന്താരാഷ്ട്ര വനിതാ ദിനത്തിൽ ആശംസകളറിയിച്ച് ട്വീറ്റുകൾ പങ്കുവെച്ചു.
Comments