കണ്ണൂർ: ശ്രീരാമനവമി രഥയാത്രയുടെ പരിക്രമണം കണ്ണൂർ തളാപ്പ് ശ്രീ സുന്ദരേശ്വര ക്ഷേത്രത്തിൽ നിന്നും ആരംഭിച്ചു. തിരുവനന്തപുരം ചെങ്കോട്ടുകോണം ശ്രീരാമദാസ ആശ്രമത്തിന്റെ അഭിമുഖ്യത്തിൽ കൊല്ലൂർ മൂകാംബിക ക്ഷേത്രത്തിൽ നിന്നും ആരംഭിച്ചതാണ് രഥയാത്ര. ഭക്തജനങ്ങൾ രാമനാപ ജപത്താൽ മുഖരിതമായ ക്ഷേത്രങ്കണത്തിൽ നിന്നാണ് രഥയാത്ര ആരംഭിച്ചത്.
മുഴപ്പിലങ്ങാട് കുറുമ്പ ഭഗവതി ക്ഷേത്രം, മീത്തലെ പീടിക, ആൽത്തറ ബ്രണ്ണൻ കോേേളജ്, വെട്ടക്കൊരു മകൻ ക്ഷേത്രം, മണ്ടോത്തും കാവ്, കാഞ്ചി കാമാക്ഷി അമ്മൻ കോവിൽ വാടിക്കൽ എന്നിവിടങ്ങളിലെ സ്വീകരണങ്ങൾ ഏറ്റുവാങ്ങി. രാമ മന്ത്ര ജപത്താൽ തലശ്ശേരി ഹതിരുവാങ്ങാട് ശ്രീ രാമസ്വാമി ക്ഷേത്രത്തിൽ ഭക്തജനങ്ങളുടെ സാന്നിധ്യത്താൽ ഹൃദ്യമായ വരവേൽപ്പ് നൽകിയാണ് രാമരഥത്തെ സ്വീകരിച്ചത്. ഇന്നത്തെ പ്രയാണം കൊട്ടിയൂരിൽ സമാപിച്ചു.
നാളെ രാവിലെ 7.30-ന് നിടുംപൊയിൽ, കണ്ണവം, കോളയാട്, ചിറ്റരിപറമ്പ്, കൂത്തുപറമ്പ്, പാനൂർ, കുഞ്ഞിപ്പള്ളി വഴി കോഴിക്കോട് ജില്ലയിൽ പ്രയാണം തുടരും.
Comments