ന്യൂഡൽഹി: മദ്യ നയക്കേസുമായി ബന്ധപ്പെട്ട് പ്രതിക്ഷേധം ശക്തമാക്കി ബിജെപി. അരവിന്ദ് കേജ്രിവാളിന്റെ രാജി ആവശ്യപ്പെട്ട് ബിജെപി നേതാക്കൾ രാജ്ഘട്ടിൽ ധർണ നടത്തി. ബിജെപി ഡൽഹി സംസ്ഥാന വർക്കിംഗ് പ്രസിഡന്റ് വീരേന്ദ്ര സച്ച്ദേവ, പ്രതിപക്ഷ നേതാവ് രാംവീർസിംഗ് ബിദുരി തുടങ്ങിയവർ ധർണയ്ക്ക് നേത്യത്വം നൽകി.
മദ്യനയ അഴിമതിക്കേസിൽ ആം അദ്മി പാർട്ടി പ്രതിരോധത്തിലായിരിക്കുകയാണ്. ഡൽഹി ഉപമുഖ്യമന്ത്രിയായ മനീഷ് സിസോദിയയ്ക്ക് മദ്യനയക്കേസിൽ കോടതി ജാമ്യം നിക്ഷേധിച്ചിരുന്നു. സിസോദിയടക്കം 15 പേരെ പ്രതികളാക്കിയാണ് സിബിഐ എഫ്ഐആർ രജിസ്റ്റർ ചെയ്തിട്ടുളളത്. മന്ത്രി സഭയിൽ നിന്നും രണ്ട് മന്ത്രിമാർക്ക് രാജിവെക്കേണ്ടിവന്നത് ആപ്പിന് തിരിച്ചടിയായിരിക്കുകയാണ്.
