ന്യൂഡൽഹി: രാജ്യത്ത് വിതരണം ചെയ്ത കോവിഡ് വാക്സിനുകൾ പുതിയ കോവിഡ് വകഭേദങ്ങൾക്കും ഫലപ്രദമാണെന്ന് കേന്ദ്ര ആരോഗ്യമന്ത്രി മൻസൂഖ് മാണ്ഡവ്യ. ദേശീയ മാദ്ധ്യമം സംഘടിപ്പിച്ച സംവാദ പരിപാടിൽ പങ്കെടുത്ത് സംസാരിക്കുകയായിരുന്നു മന്ത്രി
രാജ്യത്ത് കൊറോണ കേസുകളിൽ നേരിയ വർദ്ധനവ് ഉണ്ടായിട്ടുണ്ടെങ്കിലും ആശങ്കപ്പെടേണ്ട സാഹചര്യം ഇല്ല. ആരോഗ്യ മന്ത്രാലയം സ്ഥിതിഗതികൾ സൂക്ഷമമായി നിരീക്ഷിക്കുകയാണ് മന്ത്രി വ്യക്തമാക്കി.
രണ്ടാം കൊറോണ മഹാമാരിയുടെ സമയത്ത് 150- ലധികം രാജ്യങ്ങളാണ് ഇന്ത്യൻ വാക്സിനുകൾ പ്രയോജനപ്പെടുത്തിയത്. കുറഞ്ഞ നിരക്കിലാണ് വാക്സിനുകൾ ഇന്ത്യ മറ്റ് രാജ്യങ്ങൾക്ക് നൽകിയത്. രാഷ്ട്രീയ നേതാക്കൾ റാലികൾ നടത്തുന്നതിൽ ശ്രദ്ധകേന്ദ്രീകരിക്കുമ്പോൾ കേന്ദ്രസർക്കാർ രാജ്യത്തെ പൗരൻമാരുടെ ക്ഷേമത്തിനാണ് പ്രഥമ പരിഗണന നൽകുന്നത് മന്ത്രി കൂട്ടിച്ചേർത്തു.
