മുംബൈ : മുംബൈ അന്തരാഷ്ട്ര വിമാനത്താവളത്തിൽ ഹെറോയിൻ പിടികൂടി. എത്യോപിയിൽ നി്ന്ന വന്ന യാത്രക്കാരനിൽ നിന്നാണ് ഹെറോയിൻ പിടിച്ചെടുത്തത്.
70 കോടി രൂപ വിലമതിക്കുന്ന 9.97 കിലോഗ്രാം ഹെറോയിനാണ് ഡയറക്ടറേറ്റ് ഓഫ് റവന്യൂ ഇന്റ്റിലിജൻസ് (ഡിആർഐ)കണ്ടെടുത്തത്. സംഭവവുമായി ബന്ധപ്പെട്ട് രണ്ട് പേർ അറസ്റ്റിലായതായി ഉദ്യോഗസ്ഥർ അറിയിച്ചു.
ഡിആർഐയ്ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു വിമാനത്താവളത്തിൽ പരിശോധന നടത്തിയത്. നഗരത്തിലെ ഹോട്ടലിൽ വച്ച് ഒരാൾക്ക് കൈമാറാൻ വേണ്ടിയാണ് ഹെറോയിൻ കൊണ്ടുവന്നതെന്ന് പ്രതി വെളിപ്പെടുത്തി. തുടർന്ന് നടത്തിയ അന്വേഷണത്തിൽ ഹോട്ടലിൽ വച്ച് ഒരു നൈജീരിയൻ പൗരനെ പോലീസ് പിടികൂടുകയായിരുന്നു.
ഇരുവർക്കുമെതിരെ നാർക്കോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റാൻസസ് (എൻഡിപിഎസ്) ആക്ട് പ്രകാരം കേസെടുത്തു.
