രാമ നവമി ആശംസകളുമായി അനിൽ ആന്റണി

കോൺഗ്രസ് മുൻ ദേശീയ ഐടി സെൽ കൺവീനർ അനിൽ ആന്റണി രാമനവമി ആശംസകൾ നേർന്നു. മുൻ കേരള മുഖ്യമന്ത്രിയും മുൻ ഇന്ത്യയുടെ ആഭ്യന്തരമന്ത്രിയുമായ എ. കെ ആന്റണിയുടെ മകനാണ് അനിൽ. സമൂഹമാദ്ധ്യമങ്ങളിലൂടെയാണ് അദ്ദേഹം ആശംസകൾ നേർന്നത്. ‘ഏവർക്കും രാമനവമി ആശംസകൾ’ എന്നാണ് ചിത്രത്തിനൊപ്പം അദ്ദേഹം കുറിച്ചത്. വില്ലുകുലച്ച രാമനാണ് ചിത്രവും അയോധ്യ രാമക്ഷേത്രത്തിന്റെ രൂപരേഖയും ചിത്രത്തിൽ പങ്കുവെച്ചിട്ടുണ്ട്.

കോൺഗ്രസ് മുൻ അദ്ധ്യക്ഷൻ രാഹുലിന്റെ പൊള്ളത്തരങ്ങളെ അനിൽ കഴിഞ്ഞ ദിവസം തുറന്ന് കാട്ടിയിരുന്നു. സ്മൃതി ഇറാനിയ്‌ക്കെതിരെ നടന്ന സ്ത്രി വിരുദ്ധ പോസ്റ്റുകൾക്കെതിരെയും അനിൽ ശക്തമായി പ്രതികരിച്ചിരുന്നു. യുത്ത് കോൺഗ്രസ് ദേശീയ അദ്ധ്യക്ഷന്റെ പോസ്റ്റിനെതിരെയും അദ്ദേഹം നിലപാട് സ്വീകരിച്ചിരുന്നു. ഇതിന് പിന്നാലെയാണ് രാമനവമി ആശംസകളുമായി അനിലിന്റെ പോസ്റ്റ്. ഇത് കോൺഗ്രസ് ക്യമ്പുകളിൽ വലിയ ഞെട്ടലാണ് സൃഷ്ടിച്ചിരിക്കുന്നത്.

#RamNavami greetings to all pic.twitter.com/1EAHT58scB

— Anil K Antony (@anilkantony) March 30, 2023