ഗാന്ധിനഗർ: ഗുജറാത്തിലെ സൂറത്തിൽ ആംആദ്മി വിട്ട് ആറ് കൗൺസിലർമാർ ബിജെപിയിൽ ചേർന്നു. വെള്ളിയാഴ്ച്ച വൈകുന്നേരത്തോടെയാണ് കൗൺസിലർമാർ ബിജെപി അംഗത്വം സ്വീകരിച്ചത്. കഴിഞ്ഞ വർഷവും നാല് കൗൺസിലർമാർ ആപ്പ് വിട്ട് ബിജെപിയിൽ എത്തിയിരുന്നു.
2021-ലെ മുനിസിപ്പൽ തിരഞ്ഞെടുപ്പിൽ ആപ്പിന് 27 സീറ്റുകൾ ലഭിച്ചിരുന്നു. ബിജെപി 93 സീറ്റുകളും നേടി. എന്നാൽ കഴിഞ്ഞ വർഷം അവസാനത്തോടെ 4 കൗൺസിലർമാർ ആപ്പ് ബന്ധം ഉപേക്ഷിച്ച് ബിജെപിയിൽ എത്തി. ഇപ്പോൾ ആറ് അംഗങ്ങൾ കൂടി പാർട്ടി വിട്ടതോടെ ആപ്പ് കൺസിലർമാരുടെ അംഗ സംഖ്യ 17 ആയി കുറഞ്ഞിരിക്കുകയാണ്. ബിജെപി കൗൺസിലർമാരുടെ എണ്ണം 103 ആയും ഉയർന്നു.
ആപ്പിന്റെ യഥാർത്ഥ മുഖം വെളിപ്പെട്ടതോടെയാണ് അവർ പാർട്ടി വിട്ടതെന്ന് ഗുജറാത്ത് ആഭ്യന്തരമന്ത്രി ഹർഷ് സംഘവി പറഞ്ഞു. ഇനി കൗൺസിലർമാർ ബിജെപിയുടെ ഭാഗമായി ജനങ്ങൾക്കായി പ്രവർത്തിക്കുമെന്നും ബിജെപിയിൽ എത്തിയവർക്ക് അംഗത്വം നൽകിക്കൊണ്ട് അദ്ദേഹം പറഞ്ഞു.
Comments