ഇസ്ലാമാബാദ്: പാകിസ്താനിലെ സിന്ധ് പ്രവിശ്യയിൽ ജലക്ഷാമത്തിൽ വലഞ്ഞ് ജനങ്ങൾ. ബാദിൻ ജില്ലയിലെ ജനങ്ങൾ കടുത്ത ജല ദൗർലഭ്യത്തെ അഭിമുഖീകരിക്കുകയാണെന്ന് പ്രദേശിക മാദ്ധ്യമങ്ങൾ റിപ്പോർട്ട് ചെയ്യുന്നു. പ്രദേശത്തെ കർഷകർക്കരെ ഇത് പ്രതികൂലമായി ബാധിക്കും. കാർഷികാവശ്യത്തിനും ദാഹജലത്തിനുമിവിടെ ജലം കിട്ടാക്കനിയാണ്.
കനാലുകളിൽ റേയ്ഞ്ചർമാരെ നിയമിക്കായി ബാദിൻ ജില്ലയിലെ കർഷക നേതാക്കൾ സർക്കാരിനോട് ആവശ്യപ്പെട്ടു. ജില്ലയിലെ ജല വിതരണത്തിൽ ക്രമക്കേടുണ്ടെന്നും ജലസേചന വകുപ്പ് ഉദ്യോഗസ്ഥർ കൈക്കൂലി വാങ്ങി സ്വന്തക്കാർക്ക് ജലവിതരണം ചെയ്യുന്നുണ്ടെന്നും കർഷകർ ആരോപിച്ചു.
സിന്ധിലെ ജലക്ഷാമം സർക്കാർ ഉടൻ പരിഹരിക്കണമെന്ന് കർഷർ ആവശ്യപ്പെട്ടു. ഭരണകൂടം നടപടിയെടുക്കാൻ വൈകിയാൽ പ്രവിശ്യയിൽ ഉടനീളം ശക്തമായ പ്രകടനങ്ങൾ നടത്തുമെന്നും കർഷകർ വ്യക്തമാക്കി.
