ന്യൂഡൽഹി: ഷാങ്ഹായ് കോർപ്പറേഷൻ ഓർഗനൈസേഷൻ യോഗത്തിന് പങ്കെടുക്കാൻ പാക് വിദേശകാര്യ മന്ത്രി ഇന്ത്യയിലേക്ക്. എസ്സിഓ അദ്ധ്യക്ഷ ഇന്ത്യ വഹിക്കുന്നുതിന്റെ ഭാഗമായാണ് ബിലാവൽ ഭൂട്ടോയുടെ ഇന്ത്യ സന്ദർശനം. മെയ് നാലിനാണ് ബിലാവൽ ഭൂട്ടോയുടെ ഇന്ത്യ സന്ദർശനം. ഇന്ത്യയ്ക്കെതിരെ തുടർച്ചയായി നിലപാടെടുത്തതോടെ പാക് സൗഹൃദം ഇന്ത്യ ഉപേക്ഷിച്ചിരുന്നു. എന്നാൽ സാമ്പത്തീക പ്രതിസന്ധിയിലും ചൈനീസ് കടന്നുകയറ്റത്തെ തുടർന്നുള്ള ഭരണ സ്തംഭനവും മൂലം തകർച്ചയുടെ വക്കിൽ കഴിയുന്ന പാകിസ്താന്റെ നയവ്യതിയാനം ആഗോള തലത്തിൽ ശ്രദ്ധ നേടുകയാണ്.
മെയ് നാല്, അഞ്ച് തീയതികളിലായി ഗോവയിൽ നടക്കുന്ന ഷാങ്ഹായി കോർപ്പറേഷൻ ഓർഗനൈസേഷന്റെ പരിപാടിയിൽ പങ്കെടുക്കുന്നതിന് വേണ്ടിയാണ് ബിലാവൽ ഭൂട്ടോ എത്തുന്നത്. പരിപാടിയിൽ വിദേശകാര്യ മന്ത്രിമാരുടെ കൗൺസിലേക്കുള്ള പാക് പ്രതിനിധി സംഘത്തെ ബിലാവൽ ഭൂട്ടോ നയിക്കുമെന്ന് പാകിസ്താൻ വിദേശകാര്യ മന്ത്രാലയം അറിയിച്ചു. ഒൻപത് വർഷത്തിന് ശേഷമാണ് ഒരു പാകിസ്താൻ നേതാവ് ഇന്ത്യയിലേക്ക് വരുന്നത്.
Comments