ഡെറാഡൂൺ: ചാർധാം യാത്രയിലെ തീർത്ഥാടകർക്കായി അടിയന്തര വൈദ്യസഹായം നൽകാനുള്ള വാഹനങ്ങൾ ഫ്ളാഗ് ഓഫ് ചെയ്ത് ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമി. തീർത്ഥാടകരുടെ യാത്ര സുഖമമാക്കാനായി എല്ലാ ശ്രമങ്ങളും സർക്കാർ ഏർപ്പെടുത്തിയിട്ടുണ്ട്. യാത്രാ വേളയിൽ ആരോഗ്യസേവനങ്ങൾ ഉറപ്പുവരുത്താനായി മുഖ്യമന്ത്രി പ്രത്യേക നിർദ്ദേശവും നൽകി.
മുഖ്യമന്ത്രിയുടെ നിർദ്ദേശപ്രകാരം യാത്രറൂട്ടുകളിലെ ആരോഗ്യ സേവനങ്ങൾ അധികൃതർ വിലയിരുത്തി. മെഡിക്കൽ യൂണിറ്റുകൾ നേരിട്ട് സന്ദർശിക്കുകയും സ്ഥിതി വിലയിരുത്തുകയും ചെയ്തു. ആരോഗ്യ പ്രവർത്തകർക്ക് പ്രത്യേക നിർദ്ദേശങ്ങളും നൽകിയിട്ടുണ്ട്. ചാർധാം യാത്രയിൽ തീർത്ഥാടകർക്കായി പ്രത്യേക സേനവങ്ങൾ സ്വീകരിച്ചിട്ടുണ്ടെന്നും ആരോഗ്യ സെക്രട്ടറി ഡോ. രാജേഷ് കുമാർ പറഞ്ഞു.
കൂടാതെ കാലാവസ്ഥയെ തുടർന്ന് യാത്രക്കാർക്ക് ജാഗ്രതാ നിർദ്ദേശം നൽകിയിട്ടുണ്ട്. രോഗ ബാധിതരായ തീർത്ഥാടകരെ പ്രത്യേകം നിരീക്ഷിക്കുമെന്നും അദ്ദേഹം അറിയിച്ചു. 130-ഓളം ഡോക്ടർമാരുടെ സേവനവും മികച്ചക്രമീകരണങ്ങളും അധികൃതർ ഉറപ്പാക്കിയിട്ടുണ്ട്.
Comments