ന്യൂഡൽഹി: മഹാരാഷ്ട്രയുടെ രൂപീകരണ ദിനത്തിൽ ആശംസകൾ നേർന്ന് പ്രധാനമന്ത്രി നരേന്ദ്രമോദി. സംസ്കാരവും കഠിനാധ്വാനികളെയും കൊണ്ട് ദേശീയ പുരോഗതിയെ കരുത്തുറ്റതാക്കാൻ വിധം സംസ്ഥാനം അനുഗ്രഹീതമാണ്. വരും വർഷങ്ങളിലും മഹാരാഷ്ട്രയുടെ പുരോഗതിയ്ക്കായി പ്രാർത്ഥിക്കുന്നുവെന്നും പ്രധാനമന്ത്രി ട്വിറ്ററിൽ കുറിച്ചു.
മഹാരാഷ്ട്രയുടെ 63-ാം രൂപീകരണ ദിനത്തോടനുബന്ധിച്ച് മുഖ്യമന്ത്രി ഏക്നാഥ് ഷിൻഡെ പ്രമുഖർക്ക് പുഷ്പാഞ്ജലി അർപ്പിച്ചു. ഉപമുഖ്യമന്ത്രി ദേവേന്ദ്ര ഫഡ്നാവിസും രൂപീകരണ ദിനത്തിൽ ആശംസകൾ നേർന്നു. ‘എല്ലാവർക്കും മഹാരാഷ്ട്ര ദിനാശംസകൾ. നമുക്ക് നമ്മുടെ പൈതൃകത്തിൽ അഭിമാനിക്കാം, മഹാരാഷ്ട്ര എന്നെന്നേക്കുമായി തഴച്ചുവളരട്ടെ. ജയ് മഹാരാഷ്ട്ര’.ഫഡ്നാവിസ് ട്വീറ്റ് ചെയ്തു.
ഗുജറാത്ത് സ്ഥാപക ദിനമായ ഇന്ന് പ്രധാനമന്ത്രിമോദി ഗുജറാത്തിലെ ജനങ്ങൾക്കും ആശംസകൾ നേർന്നു. ‘ഗുജറാത്ത് സ്ഥാപന ദിവസ് ആശംസകൾ. ഗുജറാത്ത് അതിന്റെ സമഗ്രമായ പുരോഗതിയും അതിന്റെ തനതായ സംസ്കാരവും കൊണ്ട് അടയാളപ്പെടുത്തിയിരിക്കുന്നുവെന്ന് അദ്ദേഹം പറഞ്ഞു.
ഭാഷാടിസ്ഥാനത്തിൽ സംസ്ഥാനം രൂപീകരിക്കണമെന്ന ആവശ്യത്തെ തുടർന്ന് പ്രതിഷേധങ്ങളുടെ ഫലമായി 1960 മെയ് ഒന്നിനാണ് ബോംബെ പുനഃസംഘടന നിയമം പ്രാബല്യത്തിൽ വന്നത്. ഇതുപ്രകാരമാണ് മഹാരാഷ്ട്ര, ഗുജറാത്ത് എന്നീ സംസ്ഥാനങ്ങളുടെ രൂപീകരണ ദിനം ആചരിക്കുന്നത്.
Comments