സാമൂഹ്യമാദ്ധ്യമങ്ങളിൽ ആനകളെ കുറിച്ചുള്ള വാർത്തകളും, ചിത്രങ്ങളുമെല്ലാം വൈറൽ ആകാറുണ്ട്. കാട്ടാനയ്ക്ക് മുന്നിൽ നിന്ന് അഭ്യാസപ്രകടനം നടത്തുന്ന ഒരു യുവാവിന്റെ വീഡിയോയാണ് സമൂഹ മാദ്ധ്യമങ്ങളിൽ ഇപ്പോൾ തരംഗമാകുന്നത്.
കാട്ടാനയെ കണ്ട് കൈകൾ കൂപ്പി നമസ്ക്കരിച്ചുകൊണ്ട് കാട്ടാനയുടെ അരികിലേയ്ക്ക് നടന്നു പോകുന്ന യുവാവിന്റെ ദൃശ്യങ്ങളാണിപ്പോൾ സമൂഹമാദ്ധ്യമങ്ങളിൽ നിറയുന്നത്. തമിഴ്നാട് ധർമപുരിയിൽ നിന്നുള്ളതാണ് ഈ ദൃശ്യം. എന്നാൽ ഇതിനെതിരെ കടുത്ത വിമർശനമാണ് സോഷ്യൽ മീഡിയയിൽ നിറയുന്നത്.
യുവാവ് കാട്ടാനയ്ക്കടുത്തേക്ക് നടന്നടുക്കുന്നത് വീഡിയോയിൽ കാണാൻ സാധിക്കും. അതിനു ശേഷം അയാൾ കൈകൾ കൂപ്പി നമസ്കരിച്ചും കൈ ഉയർത്തിയുമെല്ലാം റോഡരികിൽ കാട്ടാനയുടെ മുന്നിൽ അഭ്യാസപ്രകടനങ്ങൾ നടത്തുകയാണ്. കൂടാതെ, ആനയെ പ്രകോപനമുണ്ടാക്കാൻ ശ്രമിക്കുന്നതും വീഡിയോയിൽ കാണാൻ സാധിക്കും. ഇതിനിടയിൽ ആന കാടിനുള്ളിലേയ്ക്ക് മാറി മണ്ണും കുറ്റിച്ചെടികളും മറ്റും തുമ്പികൈക്കൊണ്ട് ഇയാൾക്ക് നേരെ വലിച്ചെറിയുന്നതും വീഡിയോയിൽ കാണാം.
Tolerating such irritating morons is not easy. This is the precisely why they are revered as the gentle giants. #Elephants #Respect#WhatsappForward pic.twitter.com/UwWUFVsGX3
— Saket Badola IFS (@Saket_Badola) May 11, 2023
ആനയെ പ്രകോപ്പിക്കുന്ന വിധത്തിലുള്ള യുവാവിന്റെ പ്രവൃത്തികൾക്കെതിരെ ആളുകൾ രോഷാകുലരായാണ് പ്രതികരിയ്ക്കുന്നത്. സമൂഹമാധ്യമങ്ങളിൽ ഇയാൾക്കെതിരെ കടുത്ത വിമർശനമാണ് ഉയരുന്നത്. ഭൂരിഭാഗം ആളുകളും ഇയാൾക്കെതിരെ കേസ് എടുക്കണമെന്നാണ് പറയുന്നത്. ഐഎഫ്എസ് ഓഫീസർമാരായ സാകേത് ബഡോലയും, രമേഷ് പാണ്ഡയുമായാണ് ട്വിറ്ററിൽ വീഡിയോ പങ്കുവെച്ചത്.
Comments