ഇറ്റാനഗർ: തവാങ്ങിലെ ലുഗുതാങ് ആശ്രമത്തിൽ നിന്ന് മോഷ്ടിക്കപ്പെട്ട വിശുദ്ധ ഗ്രന്ഥം കണ്ടെടുത്തു. നാല് പേർ അറസ്റ്റിൽ. മെരാഗോഹ് ഗ്രാമത്തിൽ നിന്നാണ് പ്രതികളെ പോലീസ് സംഘം പിടികൂടിയത്. ആശ്രമത്തിൽ നിന്ന് സ്വർണ വിശുദ്ധ ഗ്രന്ഥമാണ് നാലംഗ സംഘം മോഷ്ടിച്ചത്. കഴിഞ്ഞ മാസമാണ് ചരിത്ര പ്രാധാന്യമുള്ള സുവർണ ഗ്രന്ഥം മോഷ്ണം പോയത്.
അരുണാചൽ പ്രദേശിലെ തവാങ്ങിലെ ഉൾ പ്രദേശങ്ങളിലൊന്നാണ് ലുഗുതാങ്. തവാങ്ങിലെ പ്രസിദ്ധമായ ആശ്രമമാണ് ലുഗുതാങ് ആശ്രമം. മോഷണത്തെ തുടർന്ന് ഉടൻ പോലീസ് അന്വേഷണം ആരംഭിച്ചിരുന്നു. തവാങ് ജില്ലാ സബ് ഇൻസ്പെക്ടർ പെമ വാങ്ചുവിന്റെ നേതൃത്വത്തിലുള്ള പോലീസ് സംഘം പ്രതികളെ അറസ്റ്റ് ചെയ്യുകയും മോഷ്ടിച്ച ഗ്രന്ഥം കണ്ടെടുക്കുകയും ചെയ്തു. സംഭവത്തിൽ കൂടുതൽ അന്വേഷണം നടക്കുകയാണെന്ന് പോലീസ് ഉദ്യോഗസ്ഥർ അറിയിച്ചു.
Comments