അമൃത്സർ: പഞ്ചാബിൽ ഇന്ത്യ-പാക് അതിർത്തിയ്ക്ക് സമീപം ഡ്രോൺ വെടിവെച്ചിട്ട് അതിർത്തി സുരക്ഷാ സേന. സംഭവവുമായി ബന്ധപ്പെട്ട് ഓരാളെ ബിഎസ്എഫ് അറസ്റ്റ് ചെയ്തു. ഇയാളിൽ നിന്നും 3.2 കിലോഗ്രാം മയക്കുമരുന്ന് കണ്ടെടുത്തിട്ടുണ്ട്. മൂന്ന് പായ്ക്കറ്റുകളിലായി സൂക്ഷിച്ചിരുന്ന ഹെറോയിൻ ആണ് കണ്ടെടുത്തത്.
കള്ളക്കടത്തുകാരനെ വിശദമായി ചോദ്യം ചെയ്തതിന് ശേഷം തുടർ നടപടികൾ സ്വീകരിക്കുമെന്ന് ബിഎസ്എഫ് ഡിഐജി ഗൗർ വ്യക്തമാക്കി. സംഭവത്തിൽ അന്വേഷണം പുരോഗമിക്കുകയാണ്.
സമാനരീതിയിൽ കഴിഞ്ഞ ദിവസവും പഞ്ചാബിലെ അമൃത്സറിൽ അതിർത്തി ലംഘിച്ചെത്തിയ പാകിസ്താൻ ഡ്രോൺ സുരക്ഷാ സേന വെടിവെച്ചിട്ടിരുന്നു. ഇതിൽ നിന്നും മയക്കുമരുന്ന് കണ്ടെത്തിയിരുന്നു.
