മലയാളികൾ ഏറ്റവും കൂടുതൽ ആസ്വാദിച്ച് രാഷ്ട്രീയം പ്രമേയമാക്കിയ ചിത്രങ്ങളിലൊന്നാണ് സന്ദേശം. 1991ൽ പുറത്തിയ സന്ദേശം മൂന്നുപതിറ്റാണ്ട് കഴിഞ്ഞിട്ടും സമകാലിക പ്രസക്തമാണ്. അതിനാൽ തന്നെ ഇന്നും സീനിമ വീണ്ടും വീണ്ടും ചർച്ചയാകാറുണ്ട്. ശ്രീനിവാസന്റെ രചനയിൽ സത്യൻ അന്തിക്കാടാണ് ചിത്രം സംവിധാനം ചെയ്തത്. ചിത്രത്തിലെ ഓരോ ഡയലോഗുകളും സീനുകളും മലയാളികൾക്ക് മനപാഠമാണ്.
സന്ദേശം പൊലൊരു രാഷ്ട്രീയ സിനിമ ആലോചനയിലുണ്ടെന്ന് വെളിപ്പെടുത്തിയിരിക്കുകയാണ് സംവിധായകൻ സത്യൻ അന്തിക്കാട്. ഒരു മാസികയ്ക്ക് നൽകിയ അഭിമുഖത്തിലാണ് താനും ശ്രിനിവാസനും സന്ദേശം പോലെയുള്ള ഒരു സിനിമക്കുള്ള സാധ്യത ആലോചിക്കുന്നുണ്ടെന്ന് അദ്ദേഹം പറഞ്ഞത്.
സന്ദേശം പുറത്തിറങ്ങിയ കാലത്ത് നിന്നും കേരളത്തിന്റെ രാഷ്ട്രീയ രംഗത്തിന് കാര്യമായ ഒരു മാറ്റമില്ലെന്ന് സത്യൻ അന്തിക്കാട് പറയുന്നു. സന്ദേശം അരാഷ്ട്രീയ സിനിമയാണെന്ന വാദത്തിൽ കഴമ്പില്ലെന്നും അദ്ദേഹം കൂട്ടിച്ചേർത്തു.
