മലയാള സിനിമാ പ്രേക്ഷകരുടെ പ്രിയപ്പെട്ട താര പുത്രിമാരിൽ ഒരാളാണ് മീനാക്ഷി ദിലീപ്. മലയാളത്തിലെ സൂപ്പർസ്റ്റാറായ മഞ്ജു വാര്യരുടെയും ജനപ്രിയ നടനായ ദിലീപിന്റെയും ഏക മകൾ കൂടിയായ മീനാക്ഷിയുടെ വിശേഷങ്ങൾ പലപ്പോഴും സമൂഹ മാദ്ധ്യമങ്ങളിൽ നിറഞ്ഞുനിൽക്കാറുണ്ട്. സോഷ്യൽ മീഡിയയിൽ സജീവമായ താരപുത്രിയ്ക്ക് വലിയ ആരാധകരാണുള്ളത്. ചെന്നൈയിലെ മെഡിസിൻ വിദ്യാർത്ഥിനി കൂടിയാണ് മീനാക്ഷി. ഇപ്പോഴിതാ തന്റെ പുതുപുത്തൻ ചിത്രങ്ങൾ ആരാധകർക്കായി പങ്കുവെച്ചിരിക്കുകയാണ് താരപുത്രി.
ഗുരുവായൂരിലെ ഒരു വിവാഹ റിസപ്ഷൻ പരിപാടിക്കിടെ പകർത്തിയ ചിത്രങ്ങളാണ് മീനാക്ഷി പങ്കുവെച്ചിരിക്കുന്നത്. വിവാഹത്തിൽ അച്ഛൻ ദിലീപിനോടൊപ്പമായിരുന്നു മീനാക്ഷി പങ്കെടുത്തത്. പൂക്കൾ പ്രിന്റ് ചെയ്തുള്ള ഫ്ലോറൽ അനാർക്കലിയിൽ അതി സുന്ദരിയായാണ് താരം പ്രത്യക്ഷപ്പെട്ടത്. നേരത്തെ ചുവന്ന പട്ടുടുത്തു കൊണ്ട് മീനാക്ഷി പങ്കുവെച്ച ഫോട്ടോ ആരാധകർക്കിടയിൽ ശ്രദ്ധ നേടിയിരുന്നു.
വിവാഹത്തിനിടെ ദിലീപ്, മീനാക്ഷി, സുരേഷ് ഗോപിയുടെ മകനായ മാധവ് എന്നിവർക്കൊപ്പം പകർത്തിയ ചിത്രം നടൻ ടിനി ടോം സമൂഹ മാദ്ധ്യമങ്ങളിൽ പങ്കുവെച്ചിരുന്നു. ” ഞാനും എന്റെ കുടുംബവും ഗുരുവായൂരിലെ വിവാഹത്തിൽ, കൂടെ ദിലീപ്, മാധവ് സുരേഷ് ഗോപിയും മീനൂട്ടിയും” എന്ന ക്യാപ്ഷനിൽ എല്ലാവരും അടങ്ങുന്ന ഒരു ഗ്രൂപ്പ് ചിത്രമായിരുന്നു ടിനി ടോം പങ്കുവെച്ചിരുന്നത്.
Comments