തിരുവനന്തപുരം: തെക്ക്-കിഴക്കൻ അറബിക്കടലിൽ ന്യൂനമർദ്ദം രൂപപ്പെട്ടതായി കാലാവസ്ഥാ വകുപ്പ്. ന്യൂനമർദ്ദം വടക്ക്-വടക്കുപടിഞ്ഞാറൻ ദിശയിൽ നീങ്ങി ചൊവ്വാഴ്ചയോടെ തീവ്രന്യൂനമർദമായി മാറും. ജൂൺ ഏഴ് മുതലാണ് സംസ്ഥാനത്ത് മഴ ശക്തിപ്രാപിക്കാൻ സാധ്യത. ഇത് കാലവർഷത്തിനും അനുകൂലസാഹചര്യമൊരുക്കും.
ഏഴിന് പത്തനംതിട്ട, ആലപ്പുഴ ജില്ലകളിലും എട്ടിന് ആലപ്പുഴ, എറണാകുളം ജില്ലകളിലും ഒമ്പതിന് തിരുവനന്തപുരം, കൊല്ലം ജില്ലകളിലും മഴ പെയ്യാൻ സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നൽകിയിട്ടുണ്ട്. അതേസമയം ലക്ഷദ്വീപിലും മാലദ്വീപിലും മഴപെയ്യുന്നുണ്ട്.
