കണ്ണൂർ: ദുശ്ശീലം ഉള്ള കുട്ടികളെ നല്ല കുട്ടികളാക്കലാണ് എസ്എഫ്ഐയുടെ പണിയെന്ന് എൽഡിഎഫ് കൺവീനർ ഇ പി ജയരാജൻ. കേരളത്തിലെ കോളേജുകളിൽ ലക്ഷകണക്കിന് കുട്ടികളുണ്ട്. അവർക്ക് പല ദുശ്ശീലങ്ങളും കാണും. മദ്യപിക്കുന്നവരും ഉണ്ടാകും അവരെയൊക്കെ നല്ല കുട്ടികളാക്കലാണ് എസ്എഫ്ഐയുടെ പ്രധാന പണി. കേരളത്തിലെ ക്യാമ്പസുകളിലെ വിദ്യാർഥി തലമുറയെ നേർ വഴിക്ക് നയിക്കുന്നത് എസ്എഫ്ഐ ആണെന്നും ജയരാജൻ പറഞ്ഞു. കണ്ണൂരിൽ നടത്തിയ വാർത്തസമ്മേളനത്തിൽ സംസാരിക്കുകയായിരുന്നു ഇ പി ജയരാജൻ.
വ്യാജ സർട്ടിഫിക്കറ്റ് നിർമ്മിച്ച വ്യാജ അദ്ധ്യപിക വിദ്യ എസ്എഫ്ഐയുടെ നേതാവാണെന്ന് എന്ത് അടിസ്ഥാനത്തിലാണ് പറയുന്നതെന്ന് ജയരാജൻ മാദ്ധ്യമപ്രവർത്തകരോട് ചോദിച്ചു. വ്യാജ സർട്ടിഫിക്കറ്റ് നിർമ്മിച്ച വിദ്യ എസ്എഫ്ഐകാരിയാണോ എന്നത് പോലും പരിശോധിക്കണം. എസ്എഫ്ഐയിൽ പല വിദ്യാർത്ഥികളും കാണും. ഏതെങ്കിലും നേതാവിനൊപ്പം ഫോട്ടോയെടുത്താൽ എസ്എഫ്ഐക്കാരി ആകുമോയെന്നും അദ്ദേഹം ചോദിച്ചു. ഭാരവാഹികളാകുന്നവർ നേതാക്കളല്ലെന്നും അദ്ദേഹം പറഞ്ഞു. എസ്എഫ്ഐ സംസ്ഥാന സെക്രട്ടറി ആർഷോയ്ക്ക് ഇതുമായി ഒരു ബന്ധവുമില്ലെന്നും ജയരാജൻ പറഞ്ഞു.
Comments