ലഹരിയുമായെത്തിയ പാകിസ്താൻ ഡ്രോൺ വെടിവച്ചിട്ട് ബി.എസ്.എഫ്

ചണ്ഡിഗഡ്; പാകിസ്താനിൽ നിന്ന് ലഹരിയുമായെത്തിയ ഡ്രോൺ വെടിവച്ചിട്ട് ബി.എസ്.എഫ്. പഞ്ചാബിലെ ഫസിലിക്കയിലെ അബോഹർ ബോർഡറിലാണ് ലഹരിക്കടത്ത് ഇന്ത്യസേന പിടികൂടിയത്. ഇന്ന് രാവിലെയാണ് ഡ്രോൺ പിടികൂടിയതെന്ന് ബി.എസ്.എഫ് അധികൃതർ വ്യക്തമാക്കിയത്. രാസ ലഹരിയുമായെത്തിയ ഡ്രോൺ അതിർത്തി കടക്കാൻ ശ്രമിക്കുമ്പോഴാണ് വെടിവച്ചിട്ടത്.

2 കിലോ തൂക്കമുള്ള രണ്ടുപാക്കറ്റുകൾ ഒരു നീല ബാഗിൽ സൂക്ഷിച്ച നിലയിലായിരുന്നു. പാക്കറ്റിൽ ഹെറോയിനാണെന്ന് സേന വ്യക്തമാക്കി. ഈ അടുത്ത് രണ്ടാംതവണയാണ് പാകിസ്താന്റെ ലഹരിക്കടത്ത് സേന പരാജയപ്പെടുത്തുന്നത്.

ബുധനാഴ്ച രാത്രി രാജസ്ഥാനിലും സമാന സംഭവമുണ്ടായി. രാജസ്ഥാനിലെ ഘർസാന മേഖലയിൽ ഒരു ഡ്രോണിനെ ബി.എസ്.എഫ് വെടിവച്ചിട്ടിരുന്നു. രണ്ടുകിലോ തൂക്കം വരുന്ന രണ്ടു പാക്കറ്റുകളും ഇതിൽ നിന്ന് കണ്ടെത്തിയിരുന്നു. രണ്ടു പാക്കറ്റിലും ഹെറോയിൻ ആയിരുന്നു.