2022-23 സാമ്പത്തിക വർഷത്തിലെ ആദായ നികുതി റിട്ടേൺ സമർപ്പിക്കുന്നതിനുള്ള അവസാന തീയതി ജൂലൈ 31-ആണ്. വരുമാനത്തിന്റെ അടിസ്ഥാന ഇളവ് കടന്നവരാണ് ആദായ നികുതി അടയ്ക്കേണ്ടത്. രണ്ടര ലക്ഷം രൂപയാണ് പരിധി. റിബേറ്റുകൾ പ്രകാരം അഞ്ച് ലക്ഷം വരെയുള്ള വരുമാനത്തിന് നികുതി നൽകേണ്ടി വരാറില്ല. വരുമാനം കൂടിയവർ മാത്രമാണ് ആദായ നികുതി അടയ്ക്കേണ്ടത് എന്ന തെറ്റിദ്ധാരണ വെച്ചുപുലർത്തുന്നവരാണ് മിക്കവരും. എന്നാൽ വരുമാനമല്ല നികുതി അടയ്ക്കുന്നതിന്റെ മാനദണ്ഡം.
ഓഹരി, മ്യൂച്വൽ ഫണ്ട്, ബാങ്ക് സ്ഥിര നിക്ഷേപം തുടങ്ങിയ നിക്ഷേപമുള്ളവരാണെങ്കിൽ ആകെ വരുമാനം കണക്കാക്കുമ്പോൾ അടിസ്ഥാന ഇളവ് പരിധി കടന്നാൽ ആദായ നികുതി റിട്ടേൺ സമർപ്പിക്കേണ്ടതാണ്. 60 വയസ് വരെയുള്ളവർക്ക് 2.5 ലക്ഷവും 80 വയസ് വരെയുള്ളവർക്ക് മൂന്ന് ലക്ഷവും 80 വയസിന് മുകളിലുള്ളവർക്ക് അഞ്ച് ലക്ഷം രൂപയുമാണ് അടിസ്ഥാന ഇളവ് പരിധി. വാർഷിക വരുമാനം അടിസ്ഥാന ഇളവ് പരിധിയ്ക്ക് താഴെയാണെങ്കിലും ശമ്പളത്തിൽ നിന്ന് കമ്പനി സ്രോതസിൽ നിന്നുള്ള നികുതി ഈടാക്കാറുണ്ട്. ഈ സാഹചര്യത്തിൽ ഇത് തിരികെ അവകാശപ്പെടാൻ കഴിയുന്നതാണ്. ഇതിനായി ആദായ നികുതി റിട്ടേൺ സമർപ്പിക്കണം.
ശമ്പളം പറ്റുന്ന ജീവനക്കാർ എല്ലാ സ്രോതസിൽ നിന്നുള്ള വരുമാനവും കണക്കാക്കേണ്ടതുണ്ട്. വിവിധ കിഴിവുകൾക്ക് ശേഷം വരുമാനം അടിസ്ഥാന ഇളവ് പരിധിയ്ക്ക് താഴെയെത്തിയാലും ആദായ നികുതി റിട്ടേൺ സമർപ്പിക്കണം. ബാങ്കിൽ നിക്ഷേപമുള്ളവരാണെങ്കിൽ പരിധി കടന്നുള്ള നിക്ഷേപമുണ്ടെങ്കിൽ ആദായ നികുതി റിട്ടേൺ സമർപ്പിക്കണം. സാമ്പത്തിക വർഷത്തിൽ 50 ലക്ഷമോ അതിൽ കൂടുതലോ നിക്ഷേപമുണ്ടങ്കിലും കറന്റ് അക്കൗണ്ടിൽ ഒരു കോടിയിലേറെ നിക്ഷേപമുണ്ടെങ്കിലും ആദായ നിരുതി റിട്ടേൺ ഫയൽ ചെയ്യേണ്ടതാണ്. വരുമാനത്തിൽ നിന്ന് ഒരു സാമ്പത്തിക വർഷം 25,000 രൂപയിൽ കൂടുതൽ നികുതി ഈടാക്കിയാൽ ആ സാമ്പത്തിക വർഷത്തേക്ക് ആദായ നികുതി റിട്ടേൺ ഫയൽ ചെയ്യേണ്ടതാണ്. മുതിർന്ന പൗരന്മാർക്ക് 50,000 രൂപ നികുതി ഈടാക്കിയാണ് റിട്ടേൺ സമർപ്പിക്കേണ്ടത്.
