ന്യൂഡൽഹി: വീട്ടുപകരണങ്ങളുടെ ജിഎസ്ടിയിൽ ഇളവ് വരുത്തി കേന്ദ്രം. ഇതോടെ സ്മാർട്ട്ഫോണുകളുടെയും ടിവിയുടെയും വിലയിൽ കുറവ് ഉണ്ടാകും. രാജ്യത്ത് ജിഎസ്ടി നടപ്പിലാക്കിയതിന്റെ ആറാം വാർഷികത്തിലാണ് ഉപഭോക്താക്കൾക്ക് ധനമന്ത്രാലയം സുവർണാവസരമൊരുക്കുന്നത്.
പുതിയ തീരുമാനപ്രകാരം മൊബൈൽഫോണുകൾ, 27 ഇഞ്ച് വരെയുള്ള ടിവികൾ, റഫ്രിജറേറ്ററുകൾ, വാഷിംഗ് മെഷീനുകൾ തുടങ്ങിയവയുടെ നികുതിയിൽ കുറവ് ഉണ്ടാകുമെന്നാണ് അറിയിപ്പ്. സ്മാർട്ട്ഫോണുകൾക്ക് ഇനി മിതൽ 12 ശതമാനം നികുതി നൽകിയാൽ മതി. ഇതോടെ ഫോണുകളുടെ വിലയിൽ വൻ കുറവാണ് വരാനൊരുങ്ങുന്നത്.
21 ഇഞ്ച് വരെയുള്ള ടിവികൾ, റഫ്രിജറേറ്ററുകൾ, വാഷിംഗ് മെഷീനുകൾ, ഇലക്ട്രിക്കൽ ഉപകരണങ്ങൾ ( മിക്സർ, ജ്യൂസർ, വാക്വം ക്ലീനർ മുതലായവ ), ഗീസറുകൾ, ഫാനുകൾ, കൂളറുകൾ എന്നിവയ്ക്ക് ഇനി 18 ശതമാനം നികുതി നൽകിയാൽ മതി. നേരത്തെ ഇത് 31.3 ശതമാനമായിരുന്നു. എൽപിജി സ്റ്റൗവിന്റെ ജിഎസ്ടി നിരക്ക് 18 ശതമാനമായി കുറച്ചു. തയ്യൽ മെഷനീകുകളുടെ ജിഎസടി നിരക്ക് 16 ശതമാനത്തിൽ നിന്ന് 12 ശതമാനമായി കുറച്ചിട്ടുണ്ട്.
Comments