ചില പാട്ടുകൾ തിയേറ്ററുകളിൽ കേൾക്കുമ്പോൾ നമ്മിൽ ഏറെ പേരും വിചാരിക്കുന്ന കാര്യമാണ് ഇതുപോലുള്ള സ്പീക്കറുകൾ നമ്മുടെ വീടുകളിലുണ്ടെങ്കിൽ കിടിലൻ ബാസിൽ പാട്ടുകൾ കേട്ട് അടിച്ചുപൊളിക്കാമെന്ന്. എന്നാൽ കൂടുതൽ നേരം ചാർജിംഗ് സമയം എടുത്ത് അധിക സമയം സ്പീക്കർ ഉപയോഗിക്കാൻ കഴിയാതെ വരുന്നത് സ്പീക്കറുകളുടെ ഒരു പോരായ്മയാണ്. പക്ഷേ ഇനി അത്തരം പരാതികളൊക്കെയും നമുക്ക് മാറ്റി നിർത്താൻ സാധിക്കും. ഒരു ഹോം തിയേറ്റർ അനുഭവം തരാൻ എസ്ആർഎസ് എക്സ്വി 800 പോർടബിൾ സ്പീക്കറുമായി എത്തിയിരിക്കുകയാണ് സോണി. 10 മിനിട്ട് ചാർജ് ചെയ്താൽ 3 മണിക്കൂർ ഉപയോഗിക്കാമെന്നാണ് കമ്പനിയുടെ വാദം.
എല്ലാ ദിശകളിലേക്കും മികച്ച ശബ്ദം നൽകാൻ സാധിക്കുന്ന സ്പീക്കറിന് 2.4 ജിഗാഹെർട്സ് ഫ്രീക്വൻസിയാണുള്ളത്. സോണി സ്റ്റോറുകളിൽ നിന്നും ഷോപ്പിംഗ് സൈറ്റുകളിൽ നിന്നും ഏകദേശം 49,990 രൂപ മുതൽ സ്പീക്കർ വാങ്ങാൻ സാധിക്കും. വീട്ടിലെ ടിവിയുടെ ഇൻ-ബിൽട്ട് സ്പീക്കർ ശബ്ദം കുറവാണെങ്കിൽ ഈ സ്പീക്കർ ഉപയോഗിച്ചും ശബ്ദം കൂട്ടാൻ കഴിയും. പല പാട്ടുകൾക്കും പല ആംബിയൻസായിരിക്കും നമ്മൾ ഇഷ്ടപ്പെടുക. കസ്റ്റമൈസ്ഡ് ലൈറ്റിംഗ് സംവിധാനം സ്പീക്കറിനോടനുബന്ധിച്ചു വരുന്നതിനാൽ പാട്ടിന്റെ ആംബിയൻസിനനുസരിച്ച് ഇഷ്ടമുള്ള തീം നമുക്ക് സജ്ജീകരിക്കാനും സാധിക്കുന്നതാണ്. കൂടാതെ ബ്ലൂട്ടൂത്ത് ഫാസ്റ്റ് പെയറിംഗ് സംവിധാനങ്ങളും, കരോക്കെ, ഗിറ്റാർ സംവിധാനങ്ങളും ഇതിൽ മനോഹരമായി പ്രവർത്തിക്കാൻ കഴിയുന്നതാണ്. വാട്ടർ റെസിസ്റ്റന്റ് ഐപിഎഎക്സ് 4 റേറ്റിംഗ് ആണ് ഈ സ്പീക്കറിനുള്ളത്.
