മുംബൈ : പങ്കജ് ത്രിപാഠി നായകനാകുന്ന ‘മേം അടൽ ഹൂം’ എന്ന ചിത്രത്തിന്റെ ഷൂട്ടിംഗ് പൂർത്തിയായി. മുംബൈ, ഡൽഹി, കാൺപൂർ, ലഖ്‌നൗ എന്നിവിടങ്ങളിലായി 45 ദിവസം കൊണ്ടാണ് ചിത്രം ചിത്രീകരിച്ചത്. മുംബൈയിൽ ചിത്രീകരണം പൂർത്തിയാക്കിയതായി സിനിമയുടെ അണിയറ പ്രവർത്തകർ അറിയിച്ചു. രവി ജാദവാണ് ‘മേം അടൽ ഹൂം’ സംവിധാനം ചെയ്യുന്നത്.
यह ‘अटल’ सफर हमेशा के लिए यादगार रहेगा!
‘श्री अटल बिहारी वाजपेयी’ जी जैसे महानुभाव व्यक्तित्व के पहलु को बड़े पर्दे पर साकार करने के लिए खुदको भाग्यशाली समझता हूं।#MainAtalHoon@meranamravi @vinodbhanu @thisissandeeps @thewriteinsaan #KamleshBhanushali @directorsamkhan pic.twitter.com/NrASHZaoQG— पंकज त्रिपाठी (@TripathiiPankaj) July 15, 2023
തുടർച്ചയായി രണ്ടു തവണ പ്രധാനമന്ത്രിയായ, രാജ്യത്തിന്റെ വികസനത്തിന് പുതിയ ദിശാബോധം നൽകിയതിന് പരമോന്നത സിവിലിയൻ ബഹുമതിയായ ഭാരതരത്‌നം നൽകി രാജ്യം ആദരിച്ച, അന്തരിച്ച അടൽ ബിഹാരി വാജ്‌പേയിയുടെ കഥയാണ് സിനിമ. വാജ്‌പേയിയായി ത്രിപാഠിയാണ് എത്തുന്നത്. ഋഷി വിർമാനിയും രവി ജാദവും ചേർന്ന് തിരക്കഥയെഴുതിയ ചിത്രത്തിന് സംഗീതം ഒരുക്കിയിരിക്കുന്നത് സലിം-സുലൈമാനാണ്.
ലഖ്‌നൗ ഷൂട്ടിംഗ് ഷെഡ്യൂളിനിടെ, ത്രിപാഠി യുപി മുഖ്യമന്ത്രി യോഗി ആദിത്യനാഥിനെ കാണുകയും സിനിമയെക്കുറിച്ച് ചർച്ച ചെയ്യുകയും ചെയ്തിരുന്നു. ഭാനുശാലി സ്റ്റുഡിയോസ് ലിമിറ്റഡും ലെജൻഡ് സ്റ്റുഡിയോസ് പ്രൊഡക്ഷനുമായ ‘മേം അടൽ ഹൂം’ നിർമ്മിക്കുന്നത് വിനോദ് ഭാനുശാലി, സന്ദീപ് സിംഗ്, സാം ഖാൻ, കമലേഷ് ഭാനുശാലി എന്നിവർ ചേർന്നാണ്. ചിത്രം ഡിസംബറിൽ റിലീസ് ചെയ്യും.
