ലക്നൗ : വാരാണസി ജ്ഞാൻവാപി പള്ളിയിലെ എഎസ്ഐ സർവേയുടെ അഞ്ചാം ദിവസമാണ് ഇന്ന്. സർവേയ്‌ക്കിടെ പള്ളിയിൽ കണ്ട ത്രിശൂലം യഥാർത്ഥത്തിൽ ത്രിശൂല ചിഹ്നമല്ലെന്നും ‘അള്ളാഹു’ എന്ന് എഴുതിയിരിക്കുന്നതാണെന്നും ഉള്ള അവകാശവാദവുമായി അഞ്ജുമാൻ ഇന്റസാമിയ മസ്ജിദ് കമ്മിറ്റിയുടെ അഭിഭാഷകൻ അഖ്‌ലാഖ് അഹമ്മദ് രംഗത്തെത്തി .
ക്ഷേത്രവുമായി ബന്ധപ്പെട്ട് ഇപ്പോൾ മാദ്ധ്യമങ്ങളിൽ വരുന്ന എല്ലാ അവകാശവാദങ്ങളും കമ്മീഷൻ നടപടികളുടെ ചിത്രങ്ങളും വീഡിയോകളുമാണെന്ന് അഖ്‌ലാഖ് അഹമ്മദ് പറഞ്ഞു. ‘ എഎസ്ഐ സർവേ കമ്മിഷന്റെ ഒരു റിപ്പോർട്ടും പുറത്തുവരാൻ കഴിയില്ല, കാരണം ഇത് സംബന്ധിച്ച് സുപ്രീം കോടതിയുടെ ഉത്തരവുണ്ട്. മസ്ജിദിന് കീഴിൽ എന്താണ് ഉള്ളതെന്ന് എഎസ്ഐ അന്വേഷിക്കണം . ആ കാലഘട്ടത്തിൽ ഉണ്ടായിരുന്ന കരകൗശല വിദഗ്ധരാണ് കെട്ടിടങ്ങളിൽ കൊത്തുപണികൾ ചെയ്തത് . മുഗൾ നാണയങ്ങളിൽ സ്വസ്തികിന്റെയും ഓമിന്റെയും ആകൃതിയും കൊത്തിവച്ചിരുന്നു. അതുകൊണ്ടാണ് താമരപ്പൂവ് ക്ഷേത്രങ്ങളിൽ മാത്രം ഉണ്ടാക്കുന്നു എന്ന് പറയുന്നത് തെറ്റാണ്. ആർക്കും പൂക്കൾ ഉണ്ടാക്കാം. അതിന് ക്ഷേത്രവുമായോ ഇസ്ലാമുമായോ യാതൊരു ബന്ധവുമില്ല.
നിങ്ങൾ ത്രിശൂൽ എന്ന് വിളിക്കുന്നത് അതിൽ എഴുതിയിരിക്കുന്ന ‘അള്ളാഹു’ എന്ന് എഴുതിയിരിക്കുന്നതിനെയാണ് . കാരണം അള്ളാഹു എന്ന് ഇതുപോലെയാണ് എഴുതുന്നത്. അതൊരു ത്രിശൂലമല്ലെന്നും അതിൽ അള്ളാ എന്നാണ് എഴുതിയിരിക്കുന്നതെന്നും അഭിഭാഷകൻ അവകാശപ്പെട്ടു. റിപ്പോർട്ട് പുറത്തുവരുമ്പോൾ അത് മനസിലാകും. ഈ സാഹചര്യത്തിൽ ഒരു പ്രവചനവും നടത്തേണ്ട ആവശ്യമില്ല. – അഖ്‌ലാഖ് അഹമ്മദ് പറഞ്ഞു.
