കൊച്ചി: മുന്നേറ്റത്തിൽ പന്തുതട്ടാനായി ഐഎസ്എല്ലിലെ സൂപ്പർതാരത്തെ സ്വന്തമാക്കി കേരള ബ്ലാസ്റ്റേഴ്സ്. ഇഷാൻ പണ്ഡിതയെ മൂന്ന് വർഷത്തേയ്ക്കാണ് കേരളാ ബ്ലാസ്റ്റേഴ്സ് സ്വന്തമാക്കിയിരിക്കുന്നത്. ജംഷഡ്പൂർ എഫ്സിയിൽ നിന്നാണ് താരത്തെ കൊമ്പൻമാർ കേരളത്തിലെത്തിച്ചത്. ഐഎസ്എൽ 2023-24 സീസണ് മുന്നോടിയായി നടത്തുന്ന ഏറ്റവും വലിയ സൈനിംഗുകളിലൊന്നാണിത്.
Psst…What time is it?
It’s #𝗧𝗶𝗺𝗲𝗙𝗼𝗿𝗜𝘀𝗵𝗮𝗻 💥@_ishanpandita_ #SwagathamIshan #KBFC #KeralaBlasters pic.twitter.com/foXH4JJzqN— Kerala Blasters FC (@KeralaBlasters) August 10, 2023
“>
ദേശീയ ടീമിനായി ആറ് മത്സരങ്ങൾ കളിച്ചിട്ടുള്ള പണ്ഡിത എഫ്സി ഗോവയുടേയും താരമായിരുന്നു. ക്ലബ് കരിയറിലാകെ 69 മത്സരങ്ങൾ കളിച്ച പണ്ഡിത 13 തവണ വലകുലുക്കി. സ്പെയിനിൽ ജൂനിയർ തലത്തിൽ ക്ലബ് പരിചയമുള്ള താരമാണ് ഇഷാൻ പണ്ഡിത. സ്പെയിനിൽ വിവിധ ലോവർ ഡിവിഷൻ ക്ലബുകൾക്കായി കളിച്ച താരം പിന്നീട് ഇന്ത്യയിലേക്ക് മടങ്ങിയെത്തുകയായിരുന്നു.
Adding the final piece to our Durand Cup squad puzzle 🧩😉@_ishanpandita_ #SwagathamIshan #KBFC #KeralaBlasters pic.twitter.com/Fv1wb0tWyT
— Kerala Blasters FC (@KeralaBlasters) August 10, 2023
“>
പരിശീലനത്തിനിടെ കണങ്കാലിന് പരിക്കേറ്റതോടെ ടീം വിട്ട ജോഷ്വ സത്തിരിയോയ്ക്ക് പകരമാണ് പണ്ഡിത ബ്ലാസ്റ്റേഴ്സ് ടീമിലെത്തിയത്. ജോഷ്വയുടെ പിൻവാങ്ങലോടെ, ദിമിത്രിയോസ് ഡയമെന്റകോസിനൊപ്പം താരം സെൻട്രൽ ഫോർവേഡായായി കളിക്കാനാണ് സാദ്ധ്യത. ലോൺ സ്ട്രൈക്കർ, സപ്പോർട്ട് സ്ട്രൈക്കർ എന്നീ നിലകളിലുളള വൈദഗ്ധ്യം ബ്ലാസ്റ്റേഴ്സിന്റെ ആക്രമണത്തിന് മൂർച്ച കൂട്ടും.
Comments