ന്യൂഡൽഹി: വിദ്വേഷ പ്രസംഗങ്ങൾ അസ്വീകാര്യമാണെന്നും അവ തടയണമെന്നും സുപ്രീം കോടതി. വിദ്വേഷ പ്രസംഗങ്ങൾ അസ്വീകാര്യമണ്. അവ തടയണം. ഇത്തരം കേസുകൾ പരിശോധിക്കാനായി ഒരു സമിതി രൂപീകരിക്കണമെന്ന് കേന്ദ്ര സർക്കാരിനോട് സുപ്രീം കോടതി ഉത്തരവിട്ടു. രാജ്യത്തുടനീളം നടക്കുന്ന റാലികളിൽ വിളിക്കുന്ന വിദ്വേഷ പ്രസംഗങ്ങൾ തടയാൻ കേന്ദ്രത്തിന് നിർദ്ദേശം നൽകണമെന്ന് മാദ്ധ്യമപ്രവർത്തകന്റെ ഹർജിയിലാണ് സുപ്രീം കോടതി ഉത്തരവ്.
ജസ്റ്റിസുമാരായ സഞ്ജീവ് ഖന്ന, എസ്വിഎൻ ഭട്ടി എന്നിവരടങ്ങിയ ബെഞ്ച് പറഞ്ഞു, സമുദായങ്ങൾക്കിടയിൽ ഐക്യവും സൗഹാർദ്ദവും ഉണ്ടായിരിക്കണമെന്ന്. സമുദായങ്ങൾക്കിടയിൽ യോജിപ്പും സൗഹാർദ്ദവും ഉണ്ടാകണം. വിദ്വേഷ പ്രസംഗങ്ങൾ നല്ലതല്ല. ഇത് ആർക്കും അംഗീകരിക്കാൻ സാധിക്കില്ല. സമിതിയെ കുറിച്ച് ഓഗസ്റ്റ് 18നകം മറുപടി നൽകണമെന്ന് കേന്ദ്രത്തിന് വേണ്ടി ഹാജരായ അഡീഷണൽ സോളിസിറ്റർ ജനറൽ കെ.എം നടരാജിനോട് കോടതി നിർദ്ദേശിച്ചു.
ഒരു സമുദായത്തിനെതിരെയും വിദ്വേഷ പ്രസംഗങ്ങൾ നടത്തുന്നില്ലെന്ന് സംസ്ഥാന സർക്കാരുകളും പോലീസും ഉറപ്പാക്കണം. വിവിധ പ്രദേശങ്ങളിലെ പൊലീസ് സ്റ്റേഷനുകളിൽ ലഭിക്കുന്ന വിദ്വേഷ പ്രസംഗ പരാതികൾ പരിശോധിക്കുന്ന സമിതി രൂപീകരിക്കാൻ പോലീസ് മേധാവിയോട് സുപ്രീം കോടതി പറയും. കേസിൽ അടുത്ത വാദം ഓഗസ്റ്റ് 18ന് കേൾക്കുമെന്നും കോടതി പറഞ്ഞു.
