നീണ്ട ഇടവേളയ്ക്ക് ശേഷം ഫനീഷ് അദേനി തിരക്കഥയും സംവിധാനവും നിർവ്വഹിക്കു ‘രാമചന്ദ്ര ബോസ് ആന്റ് കോ’യുടെ ടീസർ പുറത്തിറങ്ങി. നിവിൻ പോളി നായകനാകുന്ന ചിത്രത്തിന്റെ പശ്ചാത്തലം പ്രവാസലോകത്ത് നടക്കുന്ന കവർച്ചയെ ചുറ്റിപറ്റിയുളളതാണ്. ഓണത്തിന് ചിത്രം പ്രേക്ഷകർക്ക് മുന്നിലെത്തുമെങ്കിലും റിലീസ് തീയതി പ്രഖ്യാപിച്ചിട്ടില്ല. ചിത്രത്തിന്റെ തലക്കെട്ടിൽ ‘എ പ്രവാസി ഹെയ്സ്റ്റ്’ എ ടാഗ് ലൈനും നൽകിയിട്ടുണ്ട്.
യുഎഇയിലും കേരളത്തിലുമായി ചിത്രീകരണം പൂർത്തിയാക്കിയ സിനിമ നിർമ്മിച്ചിരിക്കുന്നത് പോളി ജൂനിയർ പിക്ചേഴ്സും മാജിക് ഫ്രെയിംസും ചേർന്നാണ്. ഫാമിലി എന്റർടൈന്റർ വിഭാഗത്തിൽപ്പെടുന്ന ചിത്രം ചിരി കൊണ്ട് സമ്പന്നമായിരിക്കുമെന്ന് ഉറപ്പ് നൽകുന്ന ടീസറാണ് പുറത്തു വന്നിരിക്കുന്നത്.
താമശരൂപത്തിലാണ് ടീസറിൽ നിവിൻ പോളി രാമചന്ദ്ര ബോസ് എന്ന നായകനെ സ്വയം പരിചയപ്പെടുത്തുന്നത്. സാധാരണക്കാർക്ക് വേണ്ടിയുളള സാധാരണ മനുഷ്യനെന്നാണ് നിവിൻപോളി രാമചന്ദ്രബോസിനെ പരാമർശിക്കുത്. രാമചന്ദ്രബോസ് ഒരു കമ്പനി നിർമ്മിക്കുകയും ‘അമർ പാലസ്’ എന്ന കൊട്ടാരം കൊള്ളയടിക്കാൻ പദ്ധതിയിടുകയും ചെയ്യുന്നു. ഏറ്റവും വലിയ പ്രവാസി കൊള്ളയ്ക്ക് സാക്ഷി എന്ന വാക്കുകൾ സ്ക്രീനിൽ പ്രത്യക്ഷപ്പെടുന്നു.
ജാഫർ ഇടുക്കി, വിനയ് ഫോർട്ട്, മമിത, തുടങ്ങിയവരാണ് നിവിൻപോളിക്കൊപ്പമെത്തുന്ന മറ്റ് പ്രധാന താരങ്ങൾ. വിഷ്ണു തണ്ടാശേരിയാണ് ഛായാഗ്രാഹണം. മിഥുൻ മുകുന്ദനാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്. മിഖായേലിന് ശേഷം സംവിധായകൻ ഹനീഫ് അദേനിയുമായുളള നിവിൻ പോളിയുടെ രണ്ടാമത്തെ ചിത്രമാണ് രാമചന്ദ്ര ബോസ് ആൻഡ് കോ.
Comments