എറണാകുളം: ഈ വർഷത്തെ ശ്രീകൃഷ്ണ ജയന്തി ബാലദിനാഘോഷത്തിന്
എറണാകുളത്ത് തുടക്കമായി. ശ്രീകൃഷ്ണ ജയന്തി ആഘോഷത്തിന്റെ ഭാഗമായി സംഘടിപ്പിച്ച ചിത്രരചനാ മത്സരത്തിൽ അഞ്ഞൂറോളം വിദ്യാർത്ഥികൾ പങ്കെടുത്തു. കൃഷ്ണാവതാര സന്ദർഭങ്ങളായിരുന്നു രചനാ വിഷയം. ബാലഗോകുലത്തിന്റെ ആഭിമുഖ്യത്തിൽ തൃപ്പുണിത്തുറ സീതാറാം കലാമന്ദിറിൽ ശ്യാമ-23 എന്ന പേരിലായിരുന്നു ചിത്രരചനാ ജില്ലാതല മത്സരങ്ങൾ സംഘടിപ്പിച്ചത്.
ബാലഗോകുലം കൊച്ചി മഹാനഗരം സംഘടിപ്പിച്ച കൃഷ്ണഗീതി ജില്ലാതല മത്സരത്തിന്റെ ഉദ്ഘാടനം യുവ ഗായകൻ ഡോ. രാഹുൽ ആർ. ലക്ഷ്മൺ നിർവഹിച്ചു. എളമക്കര സരസ്വതി വിദ്യാനികേതൻ സ്കൂളിൽ വെച്ചാണ് പരിപാടി നടന്നത്. ബാലഗോകുലം ജില്ലാ രക്ഷാധികാരിയും പ്രശസ്ത കഥാകൃത്തുമായ ശ്രീകുമാരി രാമചന്ദ്രൻ അദ്ധ്യക്ഷത വഹിച്ചു.
ചടങ്ങിൽ ശ്രീകൃഷ്ണ ജയന്തി ബാലദിനാഘോഷ സമിതി സെക്രട്ടറി ആനന്ദ് ഉണ്ണിത്താൻ, പ്രശസ്ത നർത്തകി ചിത്രാ സുകുമാരൻ, മയിൽപ്പീലി ചാരിറ്റബിൾ സൊസൈറ്റി ചെയർമാൻ ഡോ. സി.എ.ജി. സതീഷ് കുമാർ, ബാലഗോകുലം ജില്ലാ ഭഗിനി കെ. രമാദേവി എന്നിവർ സംസാരിച്ചു.
