ഡെറാഡൂണ്: ഉത്തരകാശിയില് തീര്ത്ഥാടകര് സഞ്ചരിച്ച വാന് കൊക്കയിലേക്ക് മറിഞ്ഞ് ഏഴുപേര്ക്ക് ദാരുണാന്ത്യം. പരിക്കേറ്റ 27പേരില് 10 പേരുടെ നില ഗുരുതരമാണ്. അതിനാല് മരണസംഖ്യ ഇനിയും ഉയര്ന്നേക്കും. വാഹനത്തില് 35പേരുണ്ടായിരുന്നു.ഗംഗോത്രി സന്ദര്ശിച്ച് മടങ്ങുകയായിരുന്ന സംഘത്തിന്റെ വാഹനം ഗംഗ്നാനി ദേശീയപാതയിലെത്തിയപ്പോഴാണ് അപകടമുണ്ടായത്. അമ്പത് മീറ്ററിലേറെ താഴ്ചയിലേക്കാണ് വാഹനം വീണത്.
രക്ഷാപ്രവര്ത്തനം പുരോഗമിക്കുന്നതായി അധികൃതര് അറിയിച്ചു. ഗുജറാത്ത് സ്വദേശികളാണ് കൊല്ലപ്പെട്ടത്.രക്ഷാപ്രവര്ത്തനം വേഗത്തിലാക്കാനും ആവശ്യമായ നടപടി സ്വീകരിക്കാനും മുഖ്യമന്ത്രി പുഷ്കര് സിങ് ധാമി ഉദ്യോഗസ്ഥര്ക്ക് നിര്ദേശം നല്കി.
എസ്ഡിആര്എഫ്, എന്ഡിആര്എഫ് അംഗങ്ങള് പ്രദേശത്തെത്തി. പരിക്കേറ്റവരെ ആശുപത്രിയിലെത്തിക്കാന് ഹെലികോപ്ടര് സൗകര്യവും ഒരുക്കി. ഉത്തരാഖണ്ഡില് പലയിടത്തും രൂക്ഷമായ മഴയും മണ്ണിടിച്ചിലും തുടരുകയാണ്.
Comments