കൊച്ചി: മെമ്മറി കാർഡ് ചോർന്ന സംഭവത്തിൽ കോടതി സ്വമേധയ ഇടപെടണമെന്ന ആവശ്യവുമായി അതിജീവിത ഹൈക്കോടതിയെ സമീപിച്ചു. അതിജീവിതയുടെ ഹർജിയലെ വാദം മാറ്റിവെക്കണമെന്നാവശ്യപ്പെട്ട് ദിലീപും ഹർജി സമർപ്പിച്ചിരുന്നു. ഈ ഹർജിയുടെ വാദം കേൾക്കുന്നതിനിടെയായിരുന്നു അതിജീവിതയുടെ ആവശ്യം.
ഫോറൻസിക് റിപ്പോർട്ട് അവഗണിക്കാനാണ് ദിലീപ് ശ്രമിക്കുന്നതെന്നും മെമ്മറി കാർഡ് ചോർന്നതിൽ തെളിവുണ്ടെന്നും ഇരയെന്ന നിലയിൽ തന്റെ മൗലികാവകാശങ്ങൾ കോടതി സംരക്ഷിക്കണമെന്നും അതിജീവിത പറഞ്ഞു. മെമ്മറി കാർഡ് ചോർത്തിയ പ്രതികളെ കണ്ടെത്തണം. ആരോ മെമ്മറി കാർഡ് പരിശോധിച്ചിട്ടുണ്ട്. വിചാരണ സമയം വൈകിക്കുന്നതിന് വേണ്ടിയല്ല ഹർജി. വിചാരണ പൂർത്തിയാക്കാനുള്ള സമയം സുപ്രീം കോടതി അനുവദിച്ചതാണെന്നും അതിജീവിത കോടതിയിൽ വ്യക്തമാക്കി.
Comments