ഏഷ്യാകപ്പിലെ ആദ്യ പോരാട്ടത്തിന് മുന്പ് മാദ്ധ്യമ പ്രവര്ത്തകരോട് മനസ് തുറന്ന് ഇന്ത്യന് ക്രിക്കറ്റ് ടീം ക്യാപ്റ്റന് രോഹിത് ശര്മ്മ.’ അടുത്തകാലത്തായി പാകിസ്താന് ടീം വളരെ നല്ലരീതിയിലാണ് ടി20യും ഏകദിനവും കളിക്കുന്നത്. ഒന്നാം സ്ഥാനത്ത് എത്താന് അവര് നന്നായി കഠിനാദ്ധ്വാനം ചെയ്തു. നാളത്തെ മത്സരം ഒരു വെല്ലുവിളിയായിരിക്കും- രോഹിത് പറഞ്ഞു.
‘ഒരു മുന്നിര ബാറ്റര് എന്ന നിലയില് എന്റെ ഉത്തരവാദിത്തം ടീമിന് നല്ല തുടക്കം നല്കുക എന്നതാണ്. കൂടുതല് സമയം ക്രീസില് ചെലവഴിക്കാന് ശ്രമിക്കും. 16 വര്ഷത്തെ എന്റെ പരിചയ സമ്പത്ത് അതിനായി വിനിയോഗിക്കും. അനാവശ്യമായി വിക്കറ്റ് വലിച്ചെറിയില്ല.
‘പാകിസ്താന് ബൗളര്മാര്ക്കെതിരെ ഞങ്ങളുടെ പരിചയ സമ്പത്ത് ഉപയോഗിക്കും. ടോസ് ജയിച്ചാല് മത്സരം ജയിക്കില്ല. അതിന് നന്നായി കളിക്കണം. ടോസ് ഒരുഘടകമല്ല. നമ്മള് എപ്പോഴും ചെറിയ ലക്ഷ്യങ്ങളാകും മുന്നില് വയ്ക്കുക. എന്നിട്ട് അതിനായി പോരാടും. ഇപ്പോഴത്തെ ചിന്ത മുഴുവന് പാകിസ്താനുമായുള്ള മത്സരത്തെ കുറിച്ചാണ് ഭാവികാര്യങ്ങള് പിന്നെ…
നല്ലൊരു ടീമിനെ ലഭിക്കുന്ന മികച്ച കാര്യമാണ്. പ്ലേയിംഗ് ഇലവനെ തിരഞ്ഞെടുക്കുന്നത് വെല്ലുവിളിയാണ്. നമ്മള് നന്നായി ഒരുങ്ങിയിട്ടുണ്ട്. രൂപപ്പെടുത്തിയ പദ്ധതിക്ക് അനുസരിച്ച് കളിക്കാനാകും നാളത്തെ ശ്രമം. നമ്മുടെ ആറ് ബൗളര്മാരും മികച്ചവരാണ്. ലോക ക്രിക്കറ്റില് കഴിവ് തെളിയിച്ചവര്. ബുമ്ര അയര്ലന്ഡില് നന്നായി കളിച്ചു. പരിശീലനത്തിലും അവന് നന്നായി പന്തെറിഞ്ഞു അതൊരു നല്ല സൂചനയാണ്.’ -രോഹിത് പറഞ്ഞു.
