രസ്നക്കെതിരെ പാപ്പരത്ത ഹർജി; ട്രാസ്പോർട്ടിങ് കമ്പനിയുടെ അപേക്ഷ ഫയലിൽ സ്വീകരിച്ചു നാഷണൽ കമ്പനി ലോ ട്രൈബ്യൂണൽ (എൻസിഎൽടി)

ന്യൂഡൽഹി: പ്രമുഖ ശീതളപാനീയ (ഇൻസ്റ്റന്റ് ഡ്രിങ്ക് മിക്‌സ്) നിർമ്മാതാക്കളായ ‘രസ്‌ന’യ്‌ക്കെതിരെ സമർപ്പിച്ച പാപ്പരത്ത ഹർജി നാഷണൽ കമ്പനി ലോ ട്രൈബ്യൂണൽ (എൻസിഎൽടി) സ്വീകരിച്ചു.

രസ്ന കമ്പനി തങ്ങൾക്ക് 71 ലക്ഷം രൂപ കുടിശ്ശിക നൽകണമെന്ന് കാണിച്ച് ‘ഭാരത് റോഡ് കാരിയർ’ എന്ന കാർഗോ ട്രാൻസ്പോർട്ട് കമ്പനി നൽകിയ അപേക്ഷയെ തുടർന്നാണ് നടപടി. പാപ്പരത്വ നിയമത്തിലെ സെക്ഷൻ 9 പ്രകാരം ഈ അപേക്ഷ സ്വീകരിച്ചിരിക്കുകയായിരുന്നു.
രസ്ന നൽകാനുള്ള കുടിശ്ശിക സംബന്ധിച്ച് 2018 മുതൽ, ഈ രണ്ട് കമ്പനികളും തമ്മിൽ തർക്കം തുടരുകയാണ്.നാഷണൽ കമ്പനി ലോ ട്രൈബ്യൂണൽ (എൻസിഎൽടി) രവീന്ദ്ര ഗോയലിനെ പാപ്പരത്ത നടപടികളുടെ ചുമതലയുള്ള ഇടക്കാല റെസല്യൂഷൻ പ്രൊഫഷണലായും (ഐആർപി) നിയമിച്ചു.

1976-ൽ അരിജ് കമ്പാടയാണ് രസ്ന കമ്പനി സ്ഥാപിച്ചു. അഞ്ചുരൂപയുടെ രസ്ന പാക്കറ്റിൽ 32 ഗ്ലാസ്സ് ശീതളപാനീയങ്ങൾ ഉണ്ടാക്കാമെന്നു പറയുന്ന അതിന്റെ പരസ്യം ഏറെ പ്രചാരം നേടിയിരുന്നു. ‘ഐ ലവ് യു രസ്ന’ എന്ന പരസ്യം എല്ലാവർക്കും ഇഷ്ടപ്പെടുകയും മാർക്കറ്റിൽ തരംഗം സൃഷ്ടിക്കുകയും ചെയ്തു . അനുപം ഖേർ, ഹൃത്വിക് റോഷൻ, കപിൽ ദേവ്, വീരേന്ദർ സെവാഗ് തുടങ്ങി നിരവധി ഇന്ത്യൻ സെലിബ്രിറ്റികൾ അതിന്റെ ബ്രാൻഡ് അംബാസഡർമാരായിട്ടുണ്ട്. 2019ലെ കണക്കനുസരിച്ച് ശീതളപാനീയ (ഇൻസ്റ്റന്റ് ഡ്രിങ്ക് മിക്‌സ്) വിഭാഗത്തിൽ രസ്നയുടെ വിപണി വിഹിതം80 ശതമാനമാണ്.

ഒരു ബ്രാൻഡ് എന്ന നിലയിൽ രസ്നയുടെ അവസാനമല്ല ഇതെന്ന് വിദഗ്ധർ പറയുന്നു. ഒരു പുതിയ പ്രൊമോട്ടർ നിയന്ത്രണം ഏറ്റെടുക്കുകയോ കുടിശ്ശിക കുടിശ്ശിക 71 ലക്ഷം രൂപ മാത്രമായതിനാൽ, നിലവിലെ ഉടമകൾ തുക തീർപ്പാക്കുകയോ ഉയർന്ന കോടതിയിൽ ഹരജി നൽകുകയോ ചെയ്യാം.

ഇപ്പോൾ നിലവിൽ വന്ന പാപ്പരത്വ ഉത്തരവിനെതീരെ നാഷണൽ കമ്പനി ലോ അപ്പലേറ്റ് ട്രിബ്യൂണലിൽ (എൻസിഎൽഎടി) ചോദ്യം ചെയ്യൽ ഹർജി സമർപ്പിക്കുമെന്ന് രസ്ന മാനേജ്മെന്റ് പ്രഖ്യാപിച്ചിട്ടുണ്ട്